623 قاچاقچی اوزون مدتلی حبس گه محکوم بولگن

مخدره مادره لرگه قرشی کوره شیش عدلی و قضایی مرکزی 1389 نچی ییلده 623 کیشی نینگ مخدره ماده لر قاچاقی اوچون ، حبس گه محکوم قیلگن لیگی نی اعلام ایتدی.

مذکور اداره نینگ معلوم قیلیشی چه ، محکوم بولگن لر آره سیده ، 8 کیشی دولتی ایشلاوچی لر ، 12 خارجی ، 3 عیال و باشقه لری افغانستان اهالی سیدن دیر.

شو نینگ دیک ، اوشبو مرکز مسوول لریگه کوره ، 1389 نچی ییلده مخدره ماده لر قاچاقیگه توتیلگن کیشی لر مابینیدن ، 20 کیشی سی محکمه دن برائت آلگن لر.

مخدره ماده لرگه قرشی کوره شوچی عدلی و قضایی مخصوص محکمه سی نینگ مطبوعات بولیمده گی مسوولی سید مسعود علم ، محکوم بولگن لرنینگ کوپراقی ، هلمند ، قندهار ، ننگرهار و هرات ولایت لریدن بولگنی نی معلوم قیلدی.

علم جنابلری نینگ ایتیشیچه ، 1388 نچی قویاش ییلی نینگ روی خطیده ، هلمند ولایتی نینگ محکوم لری ، باشقه ولایت لر دن کوره کوپراق ایدی.

اونگه کوره ، بیش یریم تن هیرویین ، 26 تن تریاک ، 384 کیلو گرام مورفین ، 89 تن چرس ، 74 تن کیمیاویی ماده لر ، 3334 لیتر الکولی شراب 1389 نچی ییلده قولگه کیلیب اوشبو مخدره ماده لر نینگ اوتگه آلینیشی هم قرار آلینگن.

" 1388 نچی ییلده 599 کیشی مخدره ماده لر قاچاقی اوچون محکوم بولگن ایدی. اما 1389 نچی ییلده بیز 623 قاچاقچی نینگ محکوم قیلگن میز. عموماً آلگنده اوشبو رقم 1388 نچی ییلدن کوره تورت فایز کوپه یگن. اوشبو کیشی لر اوزون مدتلی جزاگه یعنی 20 ییل حبس گه محکوم بولگن لر."

شونده ی بیرحالده ، مخدره ماده لرگه قرشی کوره شیش مرکزی نینگ قاره لاوچیلیک باشلیغی باز محمد حسن خیل گه کوره ، مخدره ماده لر قاچاقیگه متهم بولگن کیشی لر نینگ دوسیه لری 1389 نچی ییلده ، 1388 نچی ییل دن کوره ، 26 فایز کوپه یگن.

حسن خیل جنابلری نینگ معلوم قیلیشیچه ، تینچ سیز ولایت لرده مخدره ماده لر نینگ ایکیلیشی و قاچاق بولیشی باعث مذکور رقم اوتگن ییل دن کوره کوپه یگن.

"مخدره ماده لرگه قرشی کوره شیش برنامه سی گه قرگنده ، افغانستان بوییچه ، کشفی قضیه لر ، قناعت لی ایمس. شو سبب باعث دولت و مذکور اداره ایشلاوچی لری سعی و حرکت لر نینگ کوپه یشیگه احتیاجی بار."

1389 نچی قویاش ییلیده مخدره ماده لر قاچاقی اوچون توتیلگن 12 خارجی قاچاق چیلر ، ایران ، پاکستان ، یوگاندا ، افریقا و نایجریا اولکه لریدن دیر.

عین زمانده ، مخدره ماده لر گه قرشی کوره شیش اداره سی نینگ باشلیغ لری ، افغانستان دولتی خادم لری ، مخدره ماده لر قاچاقی اوچون ، وظیفه سیدن فایده لنگن کیشی لر نینگ انیق بیر شکلده معرفی قیلمه دیلر لیکن محکوم بولگن لر آره سیده ، اولوسوال ، حربی منصبی بولگن کیشی لر همده بیر قنچه عسکر لر موجودلیگی نینگ معلوم قیلدیلر.

هر چند اوتگن اون ییل جریانیده ، افغانستان دولتی ، مخدره ماده لر ایکیلیشی و قاچاق بولیشی گه قرشی کوره شیشی نی مذکور دولت نینگ انچه مهم ریجه لریدن حساب لب ، کوزگه کورینرلی درجه ده یوتوق لرگه ایریشی نی ایتسه ده ، لیکن ، کورینیشیچه ، حاضر هم افغانستان نینگ بیر قنچه نا قرار ولایت لریده ، کینگ کولمده مذکور ماده لر ایکیلیب قاچاق بوله دی.

عین زمانده بیر قنچه تحلیل چیلر هم مخدره ماده لردن کیله یاتگن پول لر فقط گینه افغانستان دولتی مخالف گروه لری اینیقسه طالبان گروهی نینگ کیسه سی گه کیریب ، حکومت و خارجی کوچلرگه قرشی یولگه قوییله یاتگن هجوم لرده صرفلنیشی نی معلوم قیله دیلر.