گزیته چیلر: دولت ، هلاک بولگن مخبرلرحقیده جدی تیکشیریش قیلمه یدی

Image copyright BBC World Service
Image caption اجمل نقشبندی بیش ییل ایلگری هلمند ولایتیده باشی کیسیلدی.

گزیته چیلیک فعالیت لریدن حمایت ایتوچی نهاد لر نینگ مسوول لری ، افغان مخبر لریدن اجمل نقش بندی هلاک بولگنی نینگ بیشینچی ییلی دن نشانلب ، او نینگ اولدیریلگنی اوچون دولت حاضر گه چه جدی تیکشیریش یولگه قویمه گن لیگی نی ایتگن لر.

اجمل نقش بندی ، 1386 نچی ییلی حمل آیی نینگ 19 نچی سیده ، طالبان اسارتیده بولگن بیر پیتده اولدیریلدی.

افغانستان ژرونالیست لر ملی جمغرمه سی نینگ باشلیغی عبدالحمید مبارز نینگ ایتیشیچه ، دولت گزیته چیلر دن حمایت ایتیش مقصدیده ، هیچ قنده ی جدی اعتبار قره تمه گن.

مبارز جنابلری گه کوره ، اجمل نقشبندی اولدیریلگنی دن کیین ، باشقه بیر قنچه گزیته چیلر قوشیمچه ، بی بی سی نینگ هلمند ده گی مخبری صمد روحانی اولدیریلگن بیراق ، بوگون گه چه ، مذکور مخبر لر نینگ قنده ی هلاک بولگنی خصوصیده تیکشیریش لر نتیجه سی قولگه کیلمه گن.

شونده ی بیر حالده ، خبر لر و مدنیت وزیری ، سید مخدوم رهین نینگ ایتشیچه ، اجمل نقش بندی نینگ اولدیرلگنی قضیه سی ، کوپراق تیکشیریشده احتیاجی بار.

رهین جنابلری شونده ی مسئله لر اوچون، ایش لر آسان لیک بیلن صورت تاپمه یشی نی اورغولب نینگ دیک حکومت بو مسئله اوچون ، یمان نیتده بولمه گنی نی معلوم قیلدی.

شونده ی بیر حالده ، گزیته چیلر اینیقسه ، نا قرار ولایت لرده فعالیت قیله یاتگن مخبر لر ، ایریم فشار و تهدید لر بیلن یوزمه یوز بولگن لرینی ایتیب ، شو نینگ دیک افغانستانده گی ایریم طرف لر بولردن اوز منفعت لری اوچون فایده لنماقچین بوله دیلر دیب معلوم قیلگن لر.

افغانستان جنوبیده مخبرلردن محمد رسول عادل نینگ ایتیشیچه ، اوریش طرف لری ، هر کون مخبرلرگه ایمیل ویا تیلفون آرقه لی پیام یوباریب ، گزارش لر نی بونده ی ویا اونده ی ترقه تینگلر دیب ایته دیلر. اگر مخبر لر اولر نینگ منفعتی اوچون خبر ترقه تمسه لر تهدید بیلن یوزمه یوز بوله دیلر.

عین زمانده ، مملکت نینگ جنوبی حدود لریده فعالیت قیله یاتگن مخبرلرگه کوره ، پولیس و خوف سیز لیک کوچلری ، گزیته چیلرنینگ دولت مخالف گروه لردن طرفدارلیک قیلیشیگه متهم قیلیب ، اولر فعالیتی تورلی قیین چلیک لر بیلن دوچ کیلگن.

شو نینگ دیک بیر قنچه گزیته چیلر ، مخالف گروه لر نینگ فشار آستیده بولگن لرینی هم معلوم قیلگن لر.

باشقه تماندن ، قندوز ده گی مخبر لردن ، قندوز ده گی مخبرلر ، مخالف گروه لر ، قوراللی مسوول سیز کیشی لر حتی دولتی کوچلر تمانیدن تهدید بولیب ، اولر گه معلومات هم بیریشمه یدیلر.

شونگه قوشیمچه ، ناقرار ولایت لرده فعالیت قیله یاتگن مخبر لر ، بعضی مورد لرده ، افغانستانده جایلشگن خارجی کوچلر تمانیدن اوشله ب آلینه دیلر.

اولرگه کوره ، خارجی کوچلر تمانیدن یولگه قوییلگن حربی عملیات لر نتیجه سیده صورت تاپگن تلفات لر خلق منبع سیدن کوپراق ترقه تیلیب شونده ی بیرحالده ، خارجی کوچلر مذکور عملیات لر خصوصیده انیق معلومات لر نینگ اولرگه بیرمه یدیلر.

جنوبی آسیا ایرکین رسانه لر تشکیلاتی یا سفما ، 2010 میلادی ییل نینگ گزیته چیلر اوچون ، قیینت بیر ییل دیشیب ، بو ییلده ، مخبرلر قرشی سیده 58 ایریم زوراوانلیک یولگه قوییلگن لیگینی معلوم قیلگن.

مذکور تشکیلات مسوول لریگه کوره ، اوتگن ییلده ، اوچ مخبر هلاک بولیب ، 9 مخبر خارجی کوچلر تمانیدن ، ایککی مخبر مخالف گروه لر تمانیدن شو نینگ دیک باشقه بیش مخبر ایسه نا تانیش قوارللی کیشی لر تمانیدن اوشله ب آلینگن لر.