کوکنار ایکین زارلریگه قرشی ، ینگی کوره ش یولگه قوییلدی

افغانستان ایچکی ایشلر وزیرلیگی ، کوکنار ایکین زار لری نینگ اورته دن ایلتیشی اوچون ینگی کوره ش باشله گنی دن خبر بیردی.

اوشبو وزیرلیک مقام لری نینگ معلوم قیلیشیچه ، اوشبو کوره ش مملکت نینگ 7 ولایتیده عملی شکلده باشله نیب ، حاضرگه چه ، کوزگه کورینرلی درجه ده یوتوق لر قولگه کیلگن.

ایچکی ایشلر وزیرلیگی نینگ سوزچی سی زمری بشری گه کوره ، کوکنار ایکین زار لری نینگ اورته دن ایلیتیشی ، ایسیق بولگن ولایت لردن باشله نگن.

افغانستان ایچکی ایشلر وزیرلیگی نینگ سوزچیسی زمری بشری ، مذکور وزیرلیک تمانیدن ، کوکنار ایکین زارلری نینگ اورته دن ایلتیش کوره ش نیمروز ، قندهار ، هلمند ، هرات ، ننگرهار ، و کنر ولایت لری دن باشلنگنینی معلوم قیلدی.

بشری جنابلری نینگ ایتیشیچه ، مذکور ولایت لرده ، ناقرار لیک لر موجود لیگی باعث ، ملی اردو و خوف سیزلیک کوچلری هم ، پولیس بیل همکارلیک قیلماقده لر.

" حاضر گه چه ، اون مینگ جریب ییر گه ایکیلگن کوکنار اورته دن ایلتیلگن. بو نی بیز کتته یوتوق دیب حسابله آله میز.

هرچند ، بو 7 ولایت لرده بیر قنچه ، خوف سیز لیک قیین چلیک لر هم موجود ، لیکن کوکنار ایکین زارلری نینگ اورته دن ایلتیشی یخشی صورتده ایلگری کیتماقده شونینگ دیک افغانستان پولیس کوچلری بو خصوصده کتته مسوولیتی بار"

بشری جنابلری شونگه قوشیمچه قیلیب ، مذکور کوکنار ایکین زارلری نینگ اورته دن ایلتیش جریانیده ، بیر پولیس هلاک بولیب ، اون کیشی ایسه یره لنگنلیگی نی هم ایتدی. مذکور پولیس لر ، اورنه تیلگن ماین لر پارتله یشی و مخالف لر تمانیدن یولگه قوییلگن هجوم نتیجه سیده اولیب و یره لنگن لر.

ایچکی ایشلر وزیرلیگی شونده ی بیر حالده ، 7 ولایت ده گی کوکنار ایکین زار لری نینگ اورته دن ایلتیشی اوچون ینگی کوره ش باشلگنی دن خبر بیرگن کیم ، جاری هفته ده مخدره ماده لرگه قرشی کوره شوچی عدلی و قضایی مخصوص محکمه سی ، 1389 نچی قویاش ییلیده ، مخدره قاچاقیگه قولی بولگن 623 کیشی اوزون مدتلی حبسگه محکوم بولگنینی اعلام قیلیب ، اوشبو کیشی لرنینگ کوپراقی ، هلمند ، قندهار ، ننگرهار و هرات ولایت لریدن بولگنی نی معلوم قیلگن ایدی.

هر چند اوتگن اون ییل جریانیده ، افغانستان دولتی ، مخدره ماده لر ایکیلیشی و قاچاق بولیشی گه قرشی کوره شیشی انچه مهم ریجه لریدن دیشیب ، بو خصوصده کوزگه کورینرلی درجه ده یوتوق لرگه ایریشی نی هم ایتسه ده ، لیکن ، حاضر هم افغانستان نینگ بیر قنچه نا قرار ولایت لریده ، کینگ کولمده مذکور ماده لر ایکیلیب قاچاق بوله دی.

عین زمانده بیر قنچه تحلیل چیلر هم مخدره ماده لردن کیله یاتگن پول لر فقط گینه افغانستان دولتی مخالف گروه لری اینیقسه طالبان گروهی نینگ کیسه سی گه کیریب ، حکومت و خارجی کوچلرگه قرشی یولگه قوییله یاتگن هجوم لرده صرفلنیشی نی معلوم قیله دیلر.