کابل بانک نینگ مالی بحرانگه دچار قیلگن لر عدلی تعقیبیگه کیته دیلر

Image caption کابل بانک مالی بحرانگه ایله نگن خبری بیلتیر چیقیشی بیلن ، مینگ لب اهالی پول لری نینگ مذکور بانکدن چیقریش مقصدیده بو بانککه نیچه کون گوجوم بولیب کیلرایدیلر

افغانستان جمهور رییسی حامد کرزی ، کابل بانککه سهمی بولگن کیشی لرنینگ غفلت و توجه سیز لیککه عیبلب ، مذکور بانک نینگ قانون سیز ایش لریده قولی بولگن کیشی لربیلن قانونی کوره شیشی نی معلوم قیلدی.

کابل بانک بیلتیر مالی بحرانگه دچار بولیب حتی سقوط قیلیش سرحدی گه چه کیتدی لیکن افغانستان دولتی اوشبو بانک نینگ ضمانت قیلیب ، خلق پولی حدر بولمه یدی دیب ایشانچ بیردی.

کرزی جنابلری نینگ معلوم قیلیشیچه ، اوتگن بیر ییلده ، کابل بانککه موچود قیین چیلیک لر تیکشیریلگن شو نینگ دیک افغانستان دولتی مذکور بانکه سهمی بولگن بیر قنچه کیشی لر اصول سیز بیر شکلده قرض آلیب ، بیرگن لر.

عین زمانده کرزی جنابلری ، کابل بانک پول لری افغانستاندن امریکا و اروپا بانک لریگه انتقال تاپگنینی ایتیب لیکن کیم لر بو پول لرنی انتقال بیرگنی خصوصیده هیچ نیرسه دیمه دی.

جمهور رییس نینگ ایتیشیچه ، کابل بانک نینگ اداری ضعفی ، خلق ارا مصلحت چی تشکیلات لرنینگ ناتوغری عمل لری ، مذکور بانک نینگ مالی بحران گه دچار قیلیشی اوچون انچه اورین لری بار.

2010 نچی میلادی ییلی نینگ سپتامبر آییده کابل بانک مالی بحرانگه ایلگنیدن سونگ ، افغانستان مرکزی بانکی ، اوشبو بانک مسوولیتی نی قولگه آلیب ، عین زمانده کابل بانک ایککی مقامی نینگ برکنار قیلدی.

افغانستان مرکزی بانکی اوتگن 8 آیدن بیری ، کابل بانک ایش لریگه مشغول بولیب حاضر گه چه ، 400 ملیون دالر مشتری لریگه تحویل قیلگن.

افغانستان دولتی نینگ بیر قنچه مقام لری جمله دن جمهور رییس کرزی ایناغه سی محمود کرزی کابل بانک نینگ سهم دار کیشی لردن ایدیلر.

کرزی جنابلری ، اگر ایناغه سی کابل بانک قضیه سیگه قولی بولگن صورتده قنده ی برخورد قیلیشه دی دیگن سوراققه بونده ی جواب قه یتردی." هر کیم قانون سیز لیک بیر شکلده عمل قیلگن بولسه ، تعقیب بوله دی ، قانون همه نی اوستیگه برابر شکلده تطبیق بوله دی"

جمهور رییس کرزی ، امریکا همده اروپایی دولت لرده یقین زمانده بیر نامه یوباریب ، کابل بانک دن مذکور اولکه لر گه کیلگن پول لر نینگ قه یتریب بیریشی نی هم طلب قیلیشه میز دیدی.

کرزی ، اوشبو اولکه لرده پول نی انتقال بیرگن کیشی لر نینگ انیق قیلیشی نی هم امریکا و اروپا دولت لریدن طلب قیلیشی نی ایتدی.

عین دمده کرزی جنابلری ، افغانستان بانک لری نینگ نظارت قیله یاتگن خلق ارا تشکیلات لر اورینی نی هم سوأل آستیده کیلتیردی.

اونگه کوره ، نظارت ایتوچی معتبر بیر اداره یا Price Watch House Cooper ، کابل بانک مالی بحرانگه دچار بولمس دن اوچ آی آلدین ، افغانستان حکومتیگه مذکور بانک سلامت لیگی دن ایشانچ بیرگن ایدی.

کرزی جنابلری نینگ معلوم قیلیشیچه ، مذکور نهاد لر نینگ افغانستانده فعالیت قیله یاتگن بانک لر خصوصیده بولگن اورین لری هم تیکشیریلماقده اگر ده اولر نینگ تخلف لری بو خصوصده انیق بولسه اولردن هم قانون اساسیده سوره له دی.

افغانستان دولتی نینگ قریب 80 فایزی " 25 مینگ ایشچی" ، آی لیک لری نینگ کابل بانکدن قولگه کیلتیره دیلر.