افغانستان و پاکستان تینچلیک کمیسیونی ایجاد قیله دی

Image copyright BBC World Service

پاکستان باش وزیری یوسف رضا گیلانی کابلده قیلگن رسمی سفریده کرزی بیلن اوچره شیب هرایکله اولکه اره سیده کتته راق تینچلیک کمیسیون ایجاد ایتیش تکیلیفینی ایلگری سوردی.

گیلانی جنابلری کرزی بیلن قوشمه اوتکزگن مطبوعات انجمنیده اوشبو سفرنی تاریخی بیر سفر دیب بولیب اوتگن اوچره شوونی ثمره بیریشگه ایشانچ بیلدردی. اونی ایتشگه کوره اوشبو اوچره شوده افغانستان وپاکستان دولتی نینگ یوقاری خادملری اشتراک ایتگن ایکن، اولر حضوریده تروریزمگه قرشی کوره شیش، تینچلیک پروسه لرینی تیزلشتریش مسله لری اوستیگه جدی بحث بولگن. عینی حالده خوف سیزلیکنی چیگره حدودلرده تامین لش اقتصادی علاقه لرنی کوچیتریش موضوع سی هم اوشبو اولتریش ده کوتاریلگن.

پاکستان باش وزیری یوسف رضا گیلانی هرایکله اولکه اره سیده توزیلگن قوشمه مشترک تینچلیک کمیسیونی پاکستان دولتی تمانیدن کینگیتریلگنینی ایتدی. اونگه کوره اوشبو کمیسیونده پاکستان دولتی نینگ استخبارات اداره ریسی قوشیمچه بیرقنچه وزیرلر وظیفه له نیب باش وزیر تمانیدن اداره بوله دی.

پاکستان باش وزیری افغانستان تمانینی بو کمیسیون نینگ کینگیتریش اوچون اعتبار قره تیش تکلیفی بیلن چیقدی.

افغانستان جمهورریسی حامدکرزی ایلگری سوریلگن تکیلفنی معقول دیب کیله جکده قوشمه کمیسیون نینگ کینیگیتریلیشینی سوزبیردی. " بو کمیسیون الدین فقط ایککی اولکه تشقی ایشلر وزیرلیک لری اره سیده موجود ایدی پاکستان تمانی بونی کوچیترگن. بیز هم بو کمیسیوننی کوچیتریش اوچون اعتبار بیره میز یوقاری خادملر و عالی تنیچلیک قوریلتای رییسی هم بو کمیسیونده حصصه قوشه دی " دیب ایتدی کرزی جنابلری.

عینی حالده جمهورریس کرزی یوسف رضا گیلانی بیلن بولیب اوتگن اوچره شوده مسلمان اولکه لر اینیقسه سعودی عربستان وترکیه دولتی نینگ افغانستان تینچلیک جریانیگه یاردم بیریشی خصوصیده هم به تفصیل بحث بولگنینی معلوم قیلدی.

شونینگ دیک کرزی جنابلری انچه خرسندلیک بیلن پاکستان باش وزیری نینگ صحبت لرینی اچیق و مهم ایکنینی ایتدی لیکن بوخصوصده اچیقچه معلومات بیرمه دی.