باله لرنینگ ایملش دستوریده ایریم قیینچلیک لر موجود

افغانستان عامه ساغلیق وزیرلیگی ، باله لر ساغلیقی نینگ سقله ش اوچون مملکت بویلب ، بیر هفته لیک ایملش کمپاینی نی یولگه قویگن.

اوشبو وزیرلیک و بیرلشگن ملت لر تشکیلاتی نینگ باله لر دن حمایت ایتوچی اداره سی تمانیدن ترقه تیلگن رقم گه، هر ییلی 160 مینگ افغانستانلیک باله ، میده یاشیده بولگن زمانده گی ایملش لردن فایده لنه آلمه یدیلر.

هرچند عامه ساغلیک وزیرلیگی ، میده باله لر اوچون ، 8 تور واکسین ترقه تگنی لیکن شونده ی بولسه هم ، مملکت نینگ بیرقنچه باله لری اوشبو ایملش لر دن ایریم دلیل لر سببلی محروم قاله دیلر.

افغانستان عامه ساغلیق وزیرلیگی ، اوشبو واکسین لر افغانستان بویلب یولگه قوییلیب اوندن سونگ ، بیر قنچه قیینچلیگی بولگن منطقه لرده هم عملی بولیشی نی ایته دی. لیکن تینچ سیزلیکلر ، یول لرنینگ صعب العبور بولگنی شو نینگ دیک مسلکی واکسیناتور لر نینگ آزلیگی باعث ، اوشبو ایملش لر ، قریب 50 اولوسوالیککه

عملی بولمه گنلیگی ایتیله دی.

فاریاب دوکتور لریدن محمد آصف نینگ معلوم قیلیشیچه ، فاریاب نینگ ایریم حدود لریده ، خلق بیلیمی کم لیگی شو نینگ دیک طالبان گروهی نینگ خلق اوستیگه فشار کیلتیریشی باعث باله لری نینگ واکسین قیلیشمه یدیلر.

اما بو مسئله گه قرگنده افغانستان عامه ساغلیک وزیرلیگی نینگ سوزچیسی کارگر نور اوغلی ، مذکور واکسین لر یخشی صورتده یولگه قوییلیب عملی بولیشی اوچون ، خلق یاردمی نینگ انچه مهم مسئله لردن دیب ایتدی.

شو نینگ دیک نور اوغلی جنابلری ، صحی خذمت لرنینگ خلق گه یخشی صورتده ترقه تیش اوچون ، مخالف گروه لردن هم بوزمه کارلیک قیلمس لیگی نی ایسته دی.

باشقه تماندن ، دبلیو . اچ . او یا جهان عامه ساغلیک تشکیلاتی هم ، افغانستانده گی واکسین ریجه لری نینگ کوچه یتیریش و ینگی واکسین لر یاردم بیریشی نی سوز بیریب ، شو نینگ دیک ، واکسین ریجه لری تطبیق بولگن منطقه لر اوشبو اداره تمانیدن قیته دن تیکشیریله دی دیب معلوم قیلگن.

دبلیو . اچ . او موسسه سی نینگ سوزچی سی عزیز فروتن بو خصوصده بونده ی ایضاح له یدی.

"بو واکسین توگه یشی بیلن ، تیکشیروچی بیر گروه منطقه لرده بوباریله دی ، اگر بیران مسئله تاپیلسه بو گروه اونی بیزگه یوباره دی. شو نینگ دیک باشقه دورده شو منطقه لرگه کوپراق کوز قره تیله دی."

اوتگن نیچه ییل دوامیده ، ایریم دلیل لر سببلی واکسین لر فایده لریدن ، خلق نینگ آگاه سیزلیگی ، افغانستان نینگ مینگلب باله لری ، قربان بولیشی گه باعث بولگن.

شونده ی بیرحالده ، افغانستان عامه ساغلیق وزیر لیگی ، مملکت بوتون باله لری واکسین بولیشی اوچون ، رسانه لر و باشقه امکانیت لر دن فایده لب ، واکسین ریجه سی یخشی شکلده تطبیق بولیشی اوچون ، کوپراق کوز قره ته میز دیب معلوم قیلگن.