کابل بانک اوچ آی گه قدر ساتیله دی

افغانستان مرکزی بانکی ، کابل بانک نینگ قدیمکی سهمی بولگن کیشی لرنینگ اوشبو بانکدن کلی شکلده چیقرگنی نی اعلام قیلدی.

افغانستان مرکزی بانکی نینگ معلوم قیلیشیچه ، حاضر کابل بانک ، ینگی بیر بانک صفتیده ، دولت حمایتی آستیده فعالیت قیلماقده و کیله سی اوچ آیگه قدر کابل بانک ، دواطلب لیککه قوییله دی.

مرکزی بانک نینگ رییسی عبدالقدیر فطرت گه کوره ، کابل بانک نینگ قدیم کی سهم دار لری اوشبو بانککه بوندن کیین هیچ قنده ی علاقه لری یوق شو نینگ دیک اوشبو کیشی لر جمهور رییس کرزی تمانیدن توزه تیلگن ینگی بیر کمیسیون تمانیدن تیکشیریشی ایشی یولگه قوییلماقده.

فطرت جنابلری ، اوچ آی گه قدر مذوکور بانک ، جمهور رییس کرزی و مملکت مالیه وزیرلیگی پیشنهادی اساسیده ، مرکزی بانک تمانیدن مالی حمایت بولیشی نی معلوم قیلدی.

افغانستان مرکزی بانکی نینگ رییسی ، کابل بانک حاضرگی مسوولیتی نینگ مالیه وزیرلیگیگه تاپشیرگن. عین زمانده افغانستان حکومتی کابل بانکده خلق پول لری تضمین بولیشی عین حالده اوشبو بانک عادی شکلده ایش لری نینگ ایلگری ایلتیشی اوچون حاضرگه چه 400 ملیون امریکا لیک دالر بیرگن.

عبدالقدیر فطرت نینگ معلوم قیلیشیچه ، کابل بانک نینگ ایسکی سهم دار لری ، مرکزی بانک قانونی نینگ نظرگه توتمه ی ، دبی و افغانستانده بیر قنچه جایداد ساتیب آلیب ، مذکور بانک نینگ مالی بحرانگه دچار قیلدیلر."

بیز کابل بانک نینگ دواطلبلیککه قویه میز هرکیمی که حاضر بولسه آله آله دی لیکن بیز ، خلق ارا اعتباری بولگن بانک لرگه کابل بانک نینگ ، بیریشینی ترجیح بیره میز. بو حالتده هم ینگی تکنالوژی اولکه میزگه کیله دی و هم ، اولر نینگ تجربه لری دن افغانستان بانک لری فایده لنه آله دی.

اگر بو خلق ارا بانک لر آلمسه لر ، افغانستانده گی یخشی بانکلری یعنی ، بیرینچی و ایککینچی درجه ده تورگن بانک لرگه کابل بانک نینگ دواطلب لیککه قوییه میز. خدای نخواسته اگر بولر هم آلمسه لر بیز اوچینچی حق نی ، کابل بانک نینگ مشتری لریده بیره میز اولر قیله آله دیلر اوزلریگه سهم ساتیب آلسه لر دیب ایتدی مرکزی بانک رییسی عبدالقدیر فطرت"

شونده ی بیرحالده ، کابل بانک نینگ ایشلاوچی لری هم ، مذکور بانک دولت قولیگه توشگنی اوچون ایریم فکر و ملاحظه لری بار ، بیر قنچه سیگه کوره ، دولت مذکور بانک نینگ قولیگه آلیشی بیلن ، اولر نینگ آیلیک لری آز بولیشی ممکن اما باشقه بیر قنچه سی ایسه ، کابل بانک ینگی کیشی لرنینگ قولیگه توشیشی بیلن اولر ایش دن چیقریلیشی اوچون خواطر بیلدیرماقده لر.

بو حالتده قرگنده ، افغانستان نینگ کوپ گینه اهالی سی کابل بانککه پول لری بار ، اولر نینگ کوپگینه سی بو بانک کیله جگی اوچون خواطر بیلدیرسیده لیکن بیر تعدادی ایسه ، اوشبو بانکه حاضر هم اعتبارلری بارلیگی نی معلوم قیلگنلر ، لیکن افغانستان رسمیلری ، کابل بانک نینگ هیچ قچان ، حمایت آستیدن قول تارتمس لیگی اوستیگه تاکید قیلیب ، خلق گه ایشانچ بیرگن.

کابل بانک بیلتیر مالی بحرانگه دچار بولیب حتی سقوط قیلیش سرحدی گه چه کیتدی لیکن افغانستان دولتی اوشبو بانک نینگ ضمانت قیلیب ، خلق پولی حدر بولمه یدی دیب ایشانچ بیردی.

حاضر هم افغانستان دولتی نینگ قریب 80 فایز ایشلاوچی لری قوشیمچه ملی اردو و پولیسی هم ، آی لیک لری نینگ کابل بانکدن قولگه کیلتیره دیلر.