یوزلب سیاسی محبوس قندهار قماقخانه سیدن قاچگن

قندهار ولایتی نینگ رسمیلریگه کوره اوتگن کیچه اوشبو ولایتده کی مرکزی قماق خانه دن قریب 480 محبوس قاچگن.

قندهار ولایتی نینگ ولایت حاکمی سوزچیسی زلمی ایوبی بی بی سی بیلن بولگن صحبتیده بو خبرنی تصدیق لب، ساعت تورت ، کیچه ده زندان سندریلیب بیرقنچه محبوس لرنینگ قاچگنینی ایتگن.

ایوبی جنابلریگه کوره محبوس لر قماقخانه ایشکریسدن تشقریده بیر تونل آچیب اوشبو یولدن قاچگن لر. خبرلرده یوزلب طالبان محبوس لری نینگ قندهار قماقخانه سیدن قاچیب قوتیلگنی ایتیلگن. ایرلریم خبرلرگه قاچگن محبوسلر سانی بیش یوزی کیشی دیلگن لیکن قندهار ولایتی نینگ ولایت حاکمی مطبوعات انجمنی اوتکزیب قاچگن محبوسلر سانی 450 کیشی ایکنینی معلوم قیلیب اولردن بیری جنای وباشقه قالگنی سیاسی محبوس لر بولگنینی ایتگن.

بی بی سی نینگ قندهار ده کی مخپری مامون درانی گه کوره اوشبو قماق خانه قندهار شهری نینگ جنوبیده جایلشگن بولیب قماق خانه یقینده کی یوللر خارجی و افغان کوچلری تمانیدن خوف سیزلیک پوسته لری ایجاد ایتلگن. شوندی بولسه هم محبوسلر قاچیب قوتیلشگه موفق بولگن.

قندهار قماقخانه مسوولی غلام دستگیر آزاد هم بوخبرنی تصدیق له گن.

طالبان گروهی قماقخانه دن 541 محبوس قاچیب قوتیلگنینی ادعا قیلگن، همده اولرنی طالبان نفر لری ایکنینی ایتگن لر.

قندهار قماقخانه سیده جنای و سیاسی محبوسلر سقله نه دی .

2008 میلادی جون اییده اوشبو قماقخانه دن یوزلب محبوسلر قاچگندی.