قندهار قماقخانه باشلیغی حبسگه آلیندی

طالبان قاچگن تونل Image copyright BBCPashto.com
Image caption طالبان محبوسلری قاچیشلری اوچون قازگن تونل

بیش یوز گه یقین طالبان محبوسلری نینگ قماقدن قاچیشی ارتیدن افغانستان جنوبیده کی قندهار مرکزی قماقخانه باشلیغی حبسگه آلینگن.

قندهار مرکزی قماقخانه رئیسی جنرال غلام دستگیر مایار ،اونینگ معاونی و 6 نفر قوروقچیلری ،جنایی تیرگاوو اوچون حبسگه آلینیب پایتخت کابلگه یوباریلگن.

اوتکن کونی افغانستان افغانستان عدلیه وزیری ، قماقخانه ایچیدن ایریملر قاچگن محبوسلر بیلن یاردم لشگن. دیب ائیتگن ایدی.

قندهار حبسخانه رسمیلرینی تیرگاو ایتش ایشی ، مدافعه وزیرلیگی ، عدلیه وزیرلیگ و ملی خوفسیزلیک اداره سی نینگ وکیللریدن عبارت بولگن بیر هیئت تمانیدن آلیب باریلگن.

هر اوشبو رسمیلرگه قرشی اینق بیر عیبلاو قوییلگنی یوق. اما دولت رسمیلری اوشبو شخصلرنی تیرگاو اوچون کابل گه کیلینیشیدن سوز یوروتماقده لر .

دوشنبه کونی قریب بیش یوز نفر طالبان محبوسلری ، قماقخانه یقینیده کی بیر او ایچیگه قازگن 360 مترلیک ییر آستی تونل ارقه لی حبسدن قاچیشگه موفق بولگن ایدی.

افغانستان عدلیه وزیری حبیب الله غالب نینگ ائیتیشیچه "ییریک سانده کی طالبلرنینگ قاچیشی ،قماقخانه ایچیدن اولر بیلن همکارلیک بولگن لیگینی کورسته دی ."

اونگه کوره ، اگر بونده ی بیر همکارلیک بولمه گنده ، قماقدن قاچگن محبوسلرنینگ برچه سی تونل قازیلگن خانه گه یول تاپه آلمس ایدیلر و محبوسلر نی الیب کیتیش اوچون قماقخانه تشقریسیده صف تارتگن موتر لر ، کوزدن ایراق قالمس ایدی.

طالبان سوزچیلریدن بیری اوشبو تونل نی قازیش بیش آیلیک بیر ریجه بولگن لیگنی ایئتگن ایدی.

افغانستان دولتی دوشنبه کونیدن قیدیرو عملیاتلرینی ه م یولگه قویگن لیگنی ایئتماقده و حاضر گه قاچگن محبوسلر دن قریب 70 نفرینی قولگه کیریتیلگن.