پینتاگون: کیله جکده زوروانلیکلر کوپیشی ممکن

Image copyright b

امریکا مدافعه وزیرلیگی افغانستانده کی کوچلرنینگ کوپیتریش طالبان گه قرشی اوریشینی ایلگری سینجیشی گه سبب بولگنینی ایتگن.بیراق زوروانلیک لر کوپیشی هم ممکن لیگی ایتیلگن.

پینتاگون نینگ التی ایلیک ینگی چیقارگن حساباتی الدینکی حسابات لریگه قره گنده فرقلی بولیب، طالبانگه قرشی اوریشنی ایجابی ایکنی اورغولنگن. امریکا کوچلری جاری ییل نینگ اورته لریده افغانستاندن چیقاریش زمانی باشله نه دی.

جمعه کونی ترقه تیلگن اوشبو حسباتده اوتگن التی ای جریانیده طالبان عصیانچیلری تمانیدن یوللرده ماین اورنه تیش و توغریدن توغری خارجی کوچلرنی نشانگه الیش واقعه لری کوپیگنی معلوم قیلینگن. اما بوکبی واقعه لرنی کوپیشی خارجی کوچلرسانینی کوپیتریلگنیگه باغلیق ایکن لیگی ایتلماقده.

افغانستانده کی خارجی کوچلر سانی کوپیتریلیشی بیلن طالبان عصیانچیلریگه قرشی هجوم لر هم کوپلب یولگه قویلدی.

پنتاگون تمانیدن چیقاریلگن حساباتده یازیلیشچه، طالبان گروهی افغانستان نینگ جنوبی منطقه لریده مغلوبیتگه اوچره گن. عموماً آلگنده افغانستان خوف سیزلیک وضعیتی اوتگن التی ایده بیراز یخشی بولگنی تاکیدلنگن.

عینی حالده امریکا مدافعه وزیرلیگی کیله جک اون ایککی ایده زوروانلیک لر کولمی ارتیب باریشی ممکن لیگینی ایتیب طالبان عصیانچیلری قولدن بیرگن منطقه لرنی قیته قولگه کیرتیش اوچون سعی قیلیشینی ایتگن.

شونینگ دیک حساباتده افغانستان خوف سیزلیک کوچلری چیت ایللیک مصلحت چیلر حضوری سیز تاثیرلی عمل قیلیشگه قادر ایمس لیگی ایتلیب حاضرگی وضعیت یمان تصویر لنگن. همده قولگه کیرتیلگن موفقیت لیک لرنی قولدن کیتیشی ممکن لیگی اورغولنگن.

Image copyright Reuters
Image caption طالبان گروهی ثور ای نینگ 11 . سیده بدرناملی عملیات نینگ یولگه قویلیشی دن خبربیرگن

باشقه تماندن طالبان گروهی بیر بیانات ترقه تیب افغانستان بویلب بدر ناملی بیر عملیات نینگ یولگه قویلیشدن خبربیرگن لر. همده اوشبو بیاناتده. کوپراق خارجی کوچلر وافغان حربیلری ، هوا قونالغالری، خارجی لر گه ایشله یاتگن کیشیلر نشانگه النیشی تاکیدلنگن.

شونگه علاوه بیاناتده پارلمان اعضالری و عالی تینچلیک قوریلتای اعضالرینی هم نشانگه النیشی ایتلگن. و عادی اهالی تلفاتینی الدینی آلیش اوچون اعتبار قره تیشلرینی بیلدگنلر.

شونینگ دیک اون ییلدن بیری خارجی و افغان کوچلریگه قرشی طالبان تمانیدن یولگه قویلیب کیله یاتگن عملیات لر موفقیت لی دیه تعریف لنگن.

حاضرگی شرایطده افغانستان نینگ بعضی بیر منطقه لریده طالبان فعالیتی کمیگن. لیکن هوا اسیشی بیلن اوز فعالیت لرینی کوچیتریب قولدن بیرگن منطقه لرنی قیته قولگه کیتریش اوچون سعی قیله دیلر.