ایکن بیری : افغانستانده کی استراتیژی میز دوام ایته دی

امریکا قوشمه ایلت لری نینگ افغانستانده کی ایلچیسی کارل ایکن بیری اسامه هلاکتی امریکا نینگ افغانستاده بولگن توجه سینی کمیترمسلیگینی ایتگن.

اسامه بن لادن نینگ هلاکتی باره سیده خبر ترقه لیشی بیلن ایریم رسانه لر وتحلیل چیلر امریکا نینگ افغانستانده بولگن استراتیژی سینی اوزگریشدن سوزیوریتگندی.

شونگه علاوه ایریم عرب مملکت لری و ایران دولتی نینگ تشقی ایشلر وزیرلیگی نینگ سوزچیسی اسامه هلاک بولگنیدن کیین امریکا نینگ افغانستان بولیشی کیرک می؟ دیب سوال قویگندی.

اما امریکا نینگ افغانستانده کی ایلچی خانه سی تمانیدن یولنگن خبرنامه ده کارل ایکن بیری نینگ سوزلریگه ماس بو موفقیت ( اسامه بن لادن نینگ اولدریلیشی بیلن) تروریزمگه قرشی کوره شیش برنامه لریمیزنی نهایه سی ایمس دیب یازیلگن.

امریکا نینگ افغانستانده کی ایلچیسی کارل ایکن بیری امریکا نینگ افغانستانده بولگن حمایه سی سابق ده کی دیک دوام تارتیشینی ایتگن.

امریکا ایلچیسی اسامه نینگ هلاکتینی کتته بیر موفقیت دیه تعریف لب " توگه مه گن ایشلر حاضرگه قدر هم قالگن" دیب فکر بیلدرگن.

هرچند ایریم غرب مملکت لری اسامه بن لادن نینگ هلاک ایتلیشی القاعده وطالبان گروهی نینگ فعالیتیگه تاثیر قویشی ممکن لیگینی اورغولیدی بیراق ایریم سیاستچیلر اسامه نینگ هلاک ایتلیشی اوزون مدتده طالبان والقاعده گروهی نینگ فعالیتیگه اونچه لیک تاثیر قویمسلیگینی ایتگن.

شونینگ دیک پاکستان حاکمیتی دوریده اوشبو گروه نینگ پاکستانده کی سابق ایلچیسی ملا عبدلسلام ضعیف هم بوخبر طالبان والقاعده فعالیتی گه کتته تاثیری بولمسلیگینی ایتگندی.