افغانستان حکومت مخالفتی طالبان بیلن یره شیش عاقبتلری بیلن آگاه لنتیردی

امر الله صالح Image copyright BBC World Service
Image caption امرا لله صالح حکومت گه قرشی کوچه نمایشلری بیلن آگاه لنتیردی

افغانستان مخالت گروهی نینگ رهبرلری ، طالبان بیلن مذاکره جریانینی سیاسی معامله دیب اتب ، بو ننیگ الدینی الیشگه حرکت قیلیشلری بیلن اگاه لنتیرگ نلر.

افغانستان سابق تشقی ایشلر وزیری و ملی خوفسیزلیک اداره سی نینگ سابق رئیسی کابلده اوتکزگن اوز طرفدارلری ییغینیده کی نطقیده ، افغانستان دولتیگه خلق طلبلریگه قولاق بیرمه گن تقدیرده کوچه نمایشلری بیلن دوچ کیلیشی نی آگاه لنتیرگنلر .

افغانستان سابق ملی خوفسیزلیک اداره سی نینگ رئیسی امر الله صالح نینگ ایئتیشیچه ، ممکلت تیزیمینی کیچیک و تار بیر گروه معامله ایتماقچی

اونگه کوره ، حکومت خلق ایستک لرینی عنابت گه آلمه گن تقدیرده ، کوچه نمایشلری بیلن دوچ کیلیشی ممکن.

"ملت شهید لری قانیگه قسم بولسین. اگر سین بولرنینگ ایستکلریگه قولاق سالمه سنگ ، و تروریزم گه قرشی و عدالت ایستگیده بولگن ییریک حوزه نینگ شرایطینی اوز ایشلرینگده کی نمونه گه ایلنتیرمه سنگ ، مین انیق بیر تاریخ تعیین له ماقچی ایمس من. اما بیز ، ییغیلیب کوچه لرگه چیقه میز. بیز نی کوچه لر گه چیقیب کیین ، بو ایلدیز سیز ، زیخنه کیچیک گروه چه نی ، افغانستان ییریک ملتی ننیگ وکالتیدن بوشتیشگه مجبور قیلمه سین لر " دیب ایئتدی امر الله صالح

هر چند جناب صالح بو طلبلر نیمه دن عبارت ایکن لیگی حقیده معلومات بیرمه دی. اما بوندن الدین بی بی سی بیلن بولگن صحبتلریده ، طالبان اوز خیانت لری و باشقه لر قلی ایکنلیگی و افراطیلیگینی تن آلیشلری کیرک . دیب ایئتگن ایدی.

Image caption داکتر عبد الله خلق نینگ اصلاح بولمه یاتکن افغانستان حکومتی نینگ عاقبتیگه گواه بولیشینی تاکید له دی

عینی دمده افغانستان سابق تشقی ایشلرو زیری و امید و اوزگریش اتفاقی نینگ رهبری داکتر عبد الله عبد الله اوشبو ییغین ده ، یینه بیر اوروشگه ایتکلاوچی هر قندهی بیر یره شیشگه قرشی ایکنلیگینی بیلدیردی. او ایسه افغانستان دولتی نی ، او نینگ تعبیریچه ، طالبان قرشیسیده یالواریشده عیبله دی.

شو ننیگ دیک جناب عبد الله ، اوز خلقی نینگ آوازینی پسیتیرماقچی بولگن حکومت لر ، قوله شینی ایئتیب ،حاضرکی افغانستان حکومتینی اصلاح بولیش قابلیتی یوقلیگینی بیلدیریب خلق بو نینگ عاقبتیگه گواه بوله دیلر دیب تاکید له دی .

"هر چند بیز اساسی اصلاحات کیلتیریش یولیده کی حرکت لریمیز نی دوام بیره میز. اما افسوس کی حاضر کی موجود تیزیم نینگ ، نه قورولیشده نه ده عمللیده هیچ قندهی اصلاحات نی کوره المه ی میز . خدا خواه له سه غلبه حق بیلن ، و سیز نینگ ایستک لریزنی عنابت گه المه گن لر نینگ عاقبتینی سیز کوره سیز لر " دیب ایئتگن داکتر عبدا لله عبد الله

دکتور عبدالله و امر الله صالح افغانستان سابق شمال اتفاقی نینگ اعضا لریدن بولیب ، طالبان رژیمی قوله یششیده امریکا لیک کوچلر یانیده سلماقلی حصه قوشگن لر .

ایندی اون ییل اوتیشی بیلن ، افغانستان ده ناقرار لیک لر مقایسی اینگ یوقاری سطح ده بولگن و افغانستان دولتی طالبان بیلن یره شیش یوللرینی ایزله ماقده .

ایندی ایسه القاعده ترماغی ننیگ رهبری اسامه بن لادن نینگ اولدیریلیشیدن کیین ، طالبان بیلن مذاکره گه باریش جریانی ینگی بیر باسقیچ گه چیقیشی تخمین لنماقده .