قوراللی عصیانچیلر قندهار حاکمی ایش خانه سیده هجوم قیلگن

قندها ولایتی دن کیله یاتگن خبرلرگه کوره عصیانچی قوراللی گروه اوشبو ولایت حاکمی دفتری ملی استخبارات وعامه ترتبینی سقلش پلیس کوچلری اداره سیگه هجوم قیلگن.

اوشبو هجوم نتیجه سیده افغان پلیس کوچلری و قوراللی عصیانچیلر اره سیده قریب بیریم ساعت اتشمه دوام تارتگنی ایتیلماقده. عینی حالده بیرنیچه کوچلی پارتلش یوزبیریب کینچه ایسه آرپی جی راکت اوقی سیسی هم ایشتیلگن. یوزبیرگن اتشمه لر نتیجه سیده قندهار کسل خانه مسوللریگه کوره 23 کیشی یر ه لنگن اولردن بیشته سی پلیس بولیب باشقه قالگنی عادی اهالیدن عبارت بولگن .

یره لنگن لر قندهار ولایتی نینگ ولایتی کسل خانه سیده انتقال بیریلگن.

باشقه تماندن محلی رسمیلر ایسه هجوم اویشترگن اوچ انتحارینی هم اوشبو حادثه ده قربان بولگنینی تصدیق له گن لیکن، هجومچیلر سانی قنچه بولگنی حاضرگه چه بیللی ایمس.

قندهار رسمیلری اوشبو ولایت نینگ مرکزی قماقخانه سیدن بیش یوزگه یقین محبوسنی قاچیشی ارتیدن ولایت ده فوق العاده وضعیتنی اعلان قیلگندی اما شوندی بولسه هم ولایت حاکمی ایش خانه سی و مهم خوف سیزلیک مرکزلری عصیانچیلرتمانیدن هجومگه توتیلدی.

بوندن قریب ایککی هفته الدین قندهار قماقخانه سیدن قاچقگن محبوسلرنینگ اکثریتی طالبان گروهی بیلن علاقه دار ایکنی لیگی معلوم قیلینگندی.

باشقه بیر خبرگه کوره طالبان عصیانچیلری نورستان ولایتی نینگ مرکزی پارونده باره یاتگن یولنی باغله گنلر. طالبان گروهی ایسه اوشبو شهرده ازوق اوقات باشقه کیره کلی ماده لرنی اوشبو شهرده الیب باریشگه ایزین بیرمسلیک لرینی ایتگن.