قندهارده ایککی کوندن بیری توقنه شولر دوام ایتماقده

Image copyright BBC World Service

ایچکی ایشلر وزیرلیگیگه کوره قندهار ولایتیده ایککی کوندن بیری یوزبیب کیله یاتگن توقنه شولرده کمیده ایگرمه اوچ عصیانچی و ایککی افغان خوف سیزلیک عسکری هلاک بولگن.

افغانستان ایچکی ایشلر وزیرلیگی هلاک بولگن عصیانچیلردن سککییزته سینی انتحارچی ایکنینی معلوم قیلدی. شونینگدیک شهر ایچکریسده پارتلاوچی ماده جایلشتریلگن ایککی موتر هم پارتله تیلگن.

یوزبیریب کیله یاتگن توقنه شولرده ایککی افغان عسکری هلاک بولیب ایگرمه دن ارتیق افغان امنتی کوچلری یره لنگنینی ایچکی ایشلر وزیرلیگی تصدیق له دی لیکن شوندی بولسه هم تلفات لر رقمی اوزگریشی ممکن لیگی ایتلماقده چونکی حاضرهم توقنه شولر دوام ایتماقده.

ایچکیی ایشلر وزیرلیگی نینگ سوزچیسی زمری بشری نیچه ساعت لیک توقنه شولرده بیرقنچه منطقه لر عصیانچیلردن تازه لنگنینی اتیب قندهار هوتلیده هم افغان خوف سیزلیک کوچلرینی کیریب باریشگه قادر بولگنینی معلو قیلدی.

اوشبو هوتلده ایسه عصیانچیلرجایلشگنی ایتلگندی.

همده بشری جنابلری توقنه شولرده سککیز اتنحارچی قوشیمچه کمیده ایگرمه اوچ قوراللی طالبنی هلاک بولگنینی ایتدی.

شونینگ دیک تورت عصیانچی عملیات لر جریانیده حبسگه آلنیب اولرنینگ قماقخانه ده قاچگن محبوسلر ایکن لیگی تاکیدلنگن.

معلومات لرگه کوره یوزبیریب کیله یاتگن توقنه شولرده اون بیش کیشی اهالی هم یره لنگن.