اکسفام افغانستان خوفسیزلیک کوچلری تمانیدن انسان حقلری بوزیلیش حاللریدن خواطرده

افغانستان لیک پلیس Image copyright AP
Image caption آکسفام:اوتکن ییلی یوز بیرگن اولیم لر نینگ کمیده 10 %گه افغان خوفسیزلیک کوچلری مسئول

اکسفام خلق ارا خیریه تشکیلاتیگه کوره ، ممکلتده کی خارجی کوچلر، افغانستانلیک خوفسیزلیک کوچلری تمانیدن ، اولدیریش و باله لر نی جنسی سوی استعمال ایتلیشی داخل انسان حقلری پایمال بولیش حاللرینینگ آلدینی آلیش اوچون کوپراق حرکت قیلیشلری در کار .

مرکزی بریتانیا ده جایلشگن اکسفام تشکیلاتی گه کوره افغانستان خوفسیزلیک کوچلری هلی تولیق تیارگرلیکلرد ن اوتگنلری یوق و مسئولیتنی ناتو کوچلریدن قبول قیلیب آلیشگه قادر ایمس لر .

تشکیلات حسابتیگه کوره ، افغانستانلیک پلیس و ملی اردو کوچلری 2010 نچی ییلده افغانستانده یوز بیرگن اولیم لر ننیگ کمیده 10 فائزیگه مسئول بولیشگن. حسابات تفصیلاتی بیلن کابلدن حبیب الرحمان قویاش

خیریه تشکیلات نینگ آگاه لنتیریشیچه ، اگر افغانستان خوفسیزلیگی محلی کوچلر گه تاپشیریلسه ، انسان حقلرینی پایمال ایتش حاللری کوچه ییشی ممکن .

افغانستان ده گی خوفسیزلیک وضیعتی 2014 ییلدن باشلب توله لیگیچه ملی اردو و پلیس کوچلری اختیاریگه اوته دی .

القاعده رهبری اسامه بن لادن نینگ اولدیریلیشی آرتیدن ناتو کوچلرینی مملکتدن ایرته راق چیقیش چقیریقلری ینه ده کوچه یه دی .

افغانستان حکومتی حاضر چه اکسفام حساباتیگه رسمی جواب قیترمه گن.

اوتگن ییل جمهور رئیس حامد کرزی ، " حربی نظارت نینگ محلی کوچلر اختیاریگه اوتیشی هر بیر افغان گه مملکت کیله جگیگه حصه قوشیش امکانینی یره ته دی ." دیب ائیتگن ایدی.

Image copyright BBC World Service
Image caption اکسفام تشکیلاتی خلق ارا کوچلر چیقیشی بیلن اسنان حقلرینی بوزیلیش حاللری کوپه ییشید خواطرده

ایشانچ

"یوقاتیش وقتی ایمس" سر لوحه سی آستیده نشر ایتیلگن اکسفام حساباتیده تاکید له نیشیچه ، افغان خوفسیزلیک کوچلری نینگ " ملکه لیگی و مسولیتلیلیگی گه جدی ایشانچسیزلیک بار "

"مسئولیت مکانیزمی ایشلب چیقیلمس ایکن انسان حقلرینی بوزیش حاللری کوچه ییشی خوفی بار " دییله دی حساباتده .

اکسفام حساب کتابیگه کوره ، 40 مینگ افغان پلیس خادمی تیارگرلیکدن عموماً اوتمه گن.

تشکیلات عادی وطنداشلرگه پلیس و عسکرلر اوستیدن شکیات قیلیشنینگ ثمره لی تیزیمی یوقلیگینی ائیته دی.

"افغان خلقی نینگ خوفسیزلیک کوچلریدن امیدی کته" دیدی حسابات مؤلفی ربیکا باربر

"خلق اوشبو کوچلر اونی حمایه قیله آلیشی و اگر ترتیبنی بوزسه لر ، جوابگرلیککه تارتیلیشلری ممکنلیگینی بیلیشی لازم " دیب علاوه قیله دی او.

امریکا نینگ دستلبکی قوشونلری جولای آییدن باشلب افغانستان دن چیقیب کیته باشلیدی.

مارچ آییده قوشمه ایالتلر مدافعه وزیری روبرت گیتس امریکا اوز قوشون لرینی جولای آییدن باشلب آلیب چیقیشگه "تیار" بولیشینی ائیتگن ایدی.