هندوستان باش وزیری افغانستان گه ایتیب کیلدی

هندوستان باش وزیری من موهان سینگ، افغانستان جمهورریسی حامدکرزی بیلن اوچره شیش اوچون کابل گه ایتیب کیلدی. من موهان سینگ نینگ اوشبوی سفری ایککی کون دوام تارتیشی کوتیله دی.

بو ایککی کون جریانیده افغانستان وهندوستان علاقه لری هندوستان نینگ افغانستانده کی یاردملری و خوف سیزلیک تهدیدلری. اوشبو ایککی تمانله مه اوچره شده مباحثه ایتله دی.

بو هندوستان باش وزیری نینگ افغانستانده کی ایککی ایککینچی سفری دیر.

هند مطبوعاتیده ترقه تیلگن خبرلرگه کوره هندوستان باش وزیری جاری ای اوللریده افغانستان گه سفر قیلیشینی ریجه لشترگن ایکن بیراق القاعده رهبری اسامه بن لادن نینگ هلاک ایتلیشی اونی سفرینی ارقه گه سوریلیشی سبب بولگن.

هندوستان دولتی افغانستانده یوللرنی قوریش برق ایشلب چیقاریش و قیته قوریش کبی برنامه لرگه کتته یاردم بیریب کیلگن.

اوتگن سککیز ییل جریانیده قریب بیرملیاردو ایککی یوزملیون دالر افغانستان نینگ قیته قوریشی اوچون یاردم بیرگن.

هندوستان دولتی افغانستان بیلن اوز علاقه لرینی کوچیتریش سعی قیلیب کیلماقده لیکن بو اولکه بیلن سیاسی مخالفت ده بولگن قوشنی پاکستان ایسه هندوستان نینگ افغانستانده کی نغوذیدن خواطر بیلدریب بیریله دیگن یاردملریگه شک شبهه بیلن قره ماقده.