پاکستان پارلمانی امریکا بیلن رابطه لرنی قیته کوریب چیقیشنی ایسته دی

پاکستان Image copyright AP
Image caption پاکستانلیک لر امریکالیک اوچوچیسیز اوچاقلر هجومیدن غضبده

پاکستان پارلمانی امریکا عسکرلری نینگ اسامه بن لادن نینگ اولدیریشی ارتیدن پاکستان نینگ قوشمه ایالتلر بیلن رابطه لرینی قیته کوریب چیقیشگه چقیرگن.

قوشمه ایالتلر عملیاتی محاکمه ایتیلگن قوشمه مجلسده پارلمان اعضالری مستقل تیرگاو اوتکزیلیشینی طلب قیلگن لر .

اولر قوشمه ایالتلر اوز اوچوچیسیز اوچاقلری هجوملرینی توختتمس ایکن ، ناتو نینگ افغانستان ده گی کوچلری اوچون یوک تاشیدیگن ترانزیت کاروانلری پاکستان حدودیدن اوتیشی منع ایتیلیشی کیرکایگینی ایئتیشگن.

پاکستان پارلماتنیگه کوره ، امریکا نینگ هجومی پاکستان مستقللیگی گه دخل قیله دی .

"پاکستان خلقی بوندن بویاغیگه بو کبی عمللرگه طاقت قیلمیدی، بیر تمانلمه چاره لر یینه قیتریلسه اولر منطقه و جهان ده گی تینچیلیک و خوفسیزلیک اوچون یمان عاقبتلر آلیب کیلیی ممکن"، دیله دی قطعنامه ده .

قطعنامه پاکستان ننیگ افغانستان بیلن چیگره داش حدودلریده قوشمه ایالتلر تمانیدن اوچوچیسیز اوچاقلری قوله نیشینی گنامعقول " دیییه قید ایتکن.

شو ییل نینگ اوزیده یوزدن ارتیق اوچوچیسیز اوچاقلر هجوملری عملگه آشیریلگنی حسابلب چیقیلگن.

ژورنالیستلر گه کوره، اسلام آباد بو هجوملر گه ، آچیقچه بولمه سه ده ، یول آچیب بیرگن. رسمی بیاناتلرد ه پاکستان رهبرلری هر دایم اوچوچیسیز اوچاقلر هجوملریگه قرشیی ایکنلیگینی ائیتیب کیلیشگن.

آخرگی بیر نیچه ای دوامیده عادی وطنداشلر تلفاتی طفیلی عامه غضبی کوچه یر ایکن؛ پاکستان نینگ نفوذلی رهبرلری قوشمه ایالتلر دن اوچوچیسیز اوچاقلری هجوملری سانینی کمهیتیریشنی سوره گنی ائیتیله دی .

قوشمه ییغیندن اول جمعه کونی ایککی انتحاری هجومچی پاکستان شمال غربیده 80 کیشینی اولدیرگن.