ناتو: یوزگه یقین القاعده اعضاسی افغانستانده فعال بولگن

افغانستانده فعالیت الیب باره یاتگن ناتوکوچلریگه کوره حاضرگه قدرهم یوزگه یقین القاعده ترماغی نینگ اعضاسی افغانستانده فعال بولگن.

ناتو نینگ معلو م قیلشچه افغانستانده کی القاعده اعضالری طالبانگه مالی وتخنیکی یاردم بیریب کیلماقده لر.

اسامه بن لادن اولدریلگنیدن سونگ بوبیرینچی مرته دیرکه افغانستانده کی ناتو کوچلری القاعده ترماغی نینگ افغانستانده کی فعالیتی باره سیده فکر بیلدره دی.

ناتو کوچلری نینگ افغانستانده کی قوماندانلریدن بیری جنرال دیوید راد ریگیز بوحقده شوندی دیگن." بیز فکر قیله میز حاضرهم یوزدن کمراق القاعده ترماغی نینگ اعضاسی افغانستانده فعال بولگن. بولرنینگ فعالیت لری طالبان عصیانچیلریگه مالی و تخنیکی یاردملرنی تامین قیلشدن عبارت . چیت ایللیک عصیانچیلرنینگ انیق لش بیز لراوچون اسان اما، اولر بیرگه لیکده ایشلیدیلر. اولرنینگ بیرگه لیکده ایش قیلیش لری کوزله گن ریجه لری اوچون ثمره لی شو دلیل اوچون هم اولر تورلی ساحه لرده بیرگه فعالیت الیب باره دیلر" دیدی او.

عینی حالده ناتو قوماندانی جاری ییلده کی ناقرارلیک لرنی اوتگن ییل گه سالشترگنده ناقرارلیک لر تیتیلگنینی ایتدی.

باشقه تماندن ناتو کوچلری یولگه قویلیب کیله یاتگن قوشمه حربی عملیات لرنینگ ثمره بیرگنینی اورغوله دی. لیکن شوندی بولشگه قره مسدن ناتو نینگ باشقه بیر قوماندانلریدن بیری جنرال ماکل جی کروس حاضرگه قره گنده افغانستان بویلب تورت ولایت اینگ ناقراربولگنینی ایتیدی.

اونی ایتیشچه افغانستان بویلب زوروانلیک لرنی یتمیش فایزی قندهار، هلمند، کنر و خوست ولایتلریده یوزبیریب کیلماقده.

ماکل جی کروس عصیانچیلریگه قرشی یولگه قویلیب کیلینه یاتگن حربی عملیات لرنی موفقیت لی بولیشگه ایشانچ بیلدری اونگه کوره قورال انبارلرینی تاپیش همده عصیانچیلرگه قرشی حربی عملیات لرنی یولگه قویش خصوصیده اهالی همکارلیگی کوزگه کورنرلی درجه کوپیگن.