اوباما : کیرک بولگنده یینه باشقه مملکت ده بیر تمانلمه حربی عملیاتگه بویروق بیره من.

بارک اوباما و بی بی سی  مخبری  اندرو مار Image copyright BBC World Service
Image caption باک اوباما بی بی سی مخبری اندرو مار بیلن مخصوص صحبت قیلگن

قوشمه ایالتلر جمهور رئیسی بارک اوباما اگر پاکستانده یینه" القاعده نینگ اینگ یوقاری مرتبه لی رهبرلریدن بیری یا کی طالبان رهبری ملا عمرکبی بیران بیر عصیانچیلر رهبرلری تاپیلگن بولسه ، اوسامه بن لادن نینگ اولدیریلگنیگه اوخشش بویروق بیریشی ممکن لیگیگه اشاره ایتگن.

اونگه کوره ، قوشمه ایالتلر پاکستان مستقل دولت ایکنینی اعتباردن ساقط قیلگنی یوق ، بیراق امریکا "ایریم احتیاط چاره لری کورمسلیک نتیجه سیده فعال ریجه لر نینگ موفقیتلی کیچیشیگه" اذن بیرالمیدی.

قوشمه ایالتلر مخصوص کوچلری ایککینچی می کونی پاکستان نینگ حربی اکادمیسی جایلشگن ابت آباد شهریده اسامه بن لادن نینگ اولدیریشلری ایککی اتفاقچی دولت اورته سیده گی مناسبتلر نینگ ترنگله شوویگه آلیب کیلدی.

جمهور رئیس اوباما بو حقده بی بی سی گه اوروپا گه ریجه لنگن رسمی سفری آلدیده بیرگن صحبتیده معلو مقیلگن.

"پاکستان مستقللیگینی حرمت قیله میز "

"اگر" الاقعده نینگ اینگ یوقاری مرتبه لی رهبرلریدن بیری یا کی طالبان رهبری ملا عمر پاکستانده و یا باشقه بیران مستقل دولتده ایکنی انیقلنه دیگن بولسه ، نیمه نیمه قیلگن بولر دیز ، دیگن سوالگه اوباما جنابلری شرایط طلب قیلسه ، قوشمه ایالتلر بیر تمانلمه ایش توتیشی ممکن لیگینی ائیتگن.

"بیز نینگ ایشیمیز قوشمه ایالتلر خوفسیزلیگینی تامینلشدیر" دیب ایئتگن امریکا جمهور رئیسی بی بی سی بیلن مخصوص صحبتده

"بیز پاکستان مستقللیگینی جوده حرمت قیله میز. اما کیم دیر بیز نینگ یا ده اتفاقچیلریمیز خلقینی اولدیریشنی ریجه له یاتگن بولسه ، بونگه اذن بیره آلمه یمیز. " دیدی جناب اوباما.

طالبان بیلن مذاکره

عینیئ دمده افغانستان ده کی اوروش حقیده هم گپیرگن جناب اوباما ، افغانستان ده کی اورشگه یکون یسش اوچون ، جدی مذاکره لر گه احتیاج سیزیلیشینی هم تاکید له گن. لیکن جناب اوباما ، طالبلر نینگ القاعده بیلن رابطه لرنی اوزیش، زورانلیکلر دن قول تارتیش و افغانستان باش قانونینی قبول قیلیشلری شرط دیب ایئتگن.

جمهوررئیس اوباما بو حقده بی بی سی مخبری اندرو مار بیلن بولگن صحبتی چاغیده ایئتگن. عینی صحبتده جناب اوباما اوسامه بن لادن نی اولدیریش عملیاتیگه بویروق بیریش قین بولمه گنینی ایئتگن.

جناب اوباما گه کوره هر چند حربی کوچ بیلن بو افغانستان معما سینی ایچیب بولمیدی، اما افغانستان ده قوراللی کوچلرنی کوپه تیریش، طالبلر نینگ ارتگه چیکینیشی و بیر سیاسی یرهش گه ایریشیشگه یول آچگن.

لیکن اونگه کوره ، حاضر چه ، امریکا رهبریتده کی اتفاق کوچلری افغانستان حکومتینی دستکلب ، باش قانون ننیگ تطبیق ایتلیشی و انسان حقلرینی حرمت قیلیشی اوچون بیر سیاسی برقرارلیککه ایریشیش اوچون اوز حربی کوچیدن فایده له نیشی کیرک.

جناب اوباما بوگون یکشنبه 22 می اروپا گه اوز سفرینی باشلیدی. او ننیگ ایرلند ، بریتانیا فرانسه و پولند گه سفر قیلیشی کوتیله دی .