قندهار ده کی ماین پارتلشده قرق کیشی هلاک ویره لندی

قندهار ولایتی نینگ پلیس باشلیغی گه کوره یول قوریش بیرشرکت خادملری نینگ موتری یول چکیکه سیده اورنه تیلگن ماین بیلن توقنه شگن نتیجه ده 20 ایشچی هلاک و20 کیشی هم یره لنگن.

اوشبو حادثه بوگون ساعت التی اطرافیده قندهار ولایتی نینگ پنجوای تومنینی سبیروان منطقه سیده روی بیرگن.

قندهار ولایتیده کی عمومی کسل خانه مسوولی عبدالقیوم پخلا حاضرگه چه اون جسد و یره لنگن 28 کیشی نینگ اوشبو کسل خانه ده انتقال بیریلگنینی اورغولب اولردن 15 ته سینی وضعیتی آغیربولگنینی ایتگن.

اوشبو پارتلشده نتیجه سیده هلاک وقربان بولگن لرنینگ اکثریتی قوریش شرکتی نینگ عادی ایشچیلری ایکن لیگی ایتلماقده.

پنجوای تومنیده طالبان عصیانچیلری نینگ انچه فعال بولگنی ایتلیب شوباعث هم بیرقنچه قوشمه حربی عملیات لر یولگه قویلگن .

معلومات لرگه کوره اوشبو ولسواللیکنی خوف سیزلیگی اوتمیشلرگه کوره انچه یخشی بولگن.لیکن، شوندی بولسه هم طالبان اوشبو ولسواللیکده حاضرگه قدر هم فعالیت قیلیب کیلماقده.

حادثه مسوولیتینی هیچ بیرگروه یا شخص اوز بوینیگه المه گن.

اوتگن ییلی هم اوشبو ولسواللیکده یوزبیرگن انتحاری هجوم نتیجه سیده پاکستان لیک لر قوشیمچه یول قوریش شرکت لریدن بیرینی توقیز ایشچیسی قربان بولگندی.

جاری میلادی ایده پکتیا ولایتیده دی طالبان عصیانچیلری یول قوریش شرکتی نینگ خادملریگه هجوم قیلیب شرکت خادملریدن 35 کیشینی اولدرب و ایگرمه گه یقین عادی ایشچینی یره لنترگندی.