نورستان نینگ دوآب اولوسوالیگی طالبان قولیگه توشگن

نورستان ولایت نینگ محلی رسمیلری دواب تومنیدن اوز کوچلرینی چیقارگنینی ایتسه لیکن مدافعه وزیرلیگی دواب تومنینی نینگ طالبان نظارتیده اوتگنیدن خبری یوق لیگنی ایتگن. اوشبو تومنده ایککی کوندن بیری عصیانچیلر ودولت کوچلری اره سیده قتیغ توقنه شولر یوزبیریب هرایلکه تمانگه هم تلفات ایتکزیلگنی خبربیریلگن. عینی حالده ایساف کوچلری محلی مقاملرنی طلب لری اساسیده اوشبو ولایت ده اوز کوچلرینی یوبارگنینی معلوم قیلگن. بوندن الدین نورستان ولایتی نینگ باشقه اوچ تومنی هم طالبان نظارتی استیده اوتگنی خبربیریلگندی. نورستان ولایتی ننیگ محلی رسمی لرگه کوره اوشبو ولایت نینگ دواب تومنیده ایککی کون دن بیری عصانیچیلر و افغان امنیتی کوچلری اره سیده قتیغ توقنه شولر دوام ایتب کیلماقده. توقنه شولر جریانیده نورستان مقاملریگه کوره سککیز عصیانچی هلاک وینه تورت عصیانچی یره لنگن. شونینگ دیک اوچ پلیس نینگ هلاک بولگنی و باشقه بیرنیچه پلیس عسکرینی هم یره لنگنی خبربیریلگن. نورستان ولایتی نینگ ولایت حاکمی جمال الدین بدر. دواب تومنیدن افغان کوچلرینی چیقاریلگنینی تصدیق لب بوحقده قوییده گی چه فکر بیلدردی. "مهمات ایتمگه گنی باعث کوچلری میز اوز سنگلرینی ترک ایتدی. پلیس کوچلریگه مهمات ایتکزیش اوچون اون کون اوریشدیک سکسن پلیس عسکری بارایدی. اولر نورگلام منطقه سیده عصیانچیلر بیلن قتیغ اوریشدی. بوعسکر لر اوشه یولدن چیقدی." شونینگ دیک نورستان ولایتی نینگ مرکزی پاررون نینگ قوشنی کنر ولایتی بیلن باغلاوچی یول هم اورشلر باعث یاپیلگنی ایتلماقده. بوند الدین هم بویول ارقه لی نه فقط حربیلر اهالی باردی کیلدیسی اوچون هم معمالی ایکن لیگی ایتیلگندی. خوب شوندی ایکن افغانستان مدافعه وزیرلیگی نینگ سوزچیسی ظاهرعظیمی دواب ولسوللیگی نینگ طالبان نظارتیده اوتگنیدن خبری یوق لیگینی ایتگن. باشقه تماندن ایساف کوچلری نینگ سوزچیسی جوزیف بلاتس محلی مقالرنینگ طلبی اساسیده نورستان ولایتیده ایساف کوچلری نینگ یاردمی منطقه ده ایتیب بارگنیدن خبربیرگن. "بیزندن یاردم قیلیش طلبی بولدی، حاضرگه قره گنده ایساف کوچلری محلده کی پلیس کوچلریگه یاردم ایتکزماقده. یاردملرنی دوامی بار مینگه کیلگن معلومات لراساسیده ایساف کوچلرینی یاردمی منطقه ده ایتب بارگن." نورستان ولایتی نینگ اونت وایلگل تومنینی بوندن قریب ایککی ای الدین طالبان نظارتیده اوتگنی خبربیریلگندی. شونینگ دیک اوشبو ولایت نینگ برگ متال و کامدیش تومنلری بوندن الدین طالبان نظارتیگه اوتگندی دواب تومنی قوشیمچه حاضرگه قره گنده تورت ولسواللیک طالبان نظارتیگه اوتگن. نورستان ولایتی قوشنی پاکستان بیلن چیگره داش بولیب اوشبو ولایت اکثری منطقه لریده طالبان عصیانچیلرنی فعال بولگنی ایتلماقده.