کابل ده کی پلیس اداره سیده عصیانچیلر هجومی

کابل پلیس اداره سی نینگ بیرینچی حوزه سیده اوشتریلگن هجومده رسمیلرگه کوره، تورت افغان عسکری وبیشی کیشی اهالی قربان بولگن.

قورال بیلن جهازلنگن اوچ انتحاری شخص بوگون ساعت اون لریم لریده کابل شهری نینگ گوجوم بولگن پل باغ عمومی دیب اتلگن منطقه سیده جایلشگن پلیس نینگ بیرینچی حوزه سیده هجوم قیلگن لر.

رسمیلرگه کوره هجومچی لردن بیری بیرنیچیدن اداره ایشگیده بولگن پلیس نینگ اوق بیلن نشانگه الگن کینچه لیک ایککی انتحارچی پلیس حوزه سی نینگ ایچکریسده کیریب باریشگه قادیر بولگن.

کابل پلیس اداره سی نینگ سوزچیسی حشمت الله استانکزی پلیس و عصیانچیلر اره سیده توقنه شولر یوزبیرگنینی ایتیب اوشبو توقنه شولرده ایککی انتحارچینی هلاک بولگنینی ایتگن.

بومعلومات ارتیدن ایچکی ایشلر وزیرلیگی بیر بیانات ترقه تیب ایککی انتحارچینی پلیس کوچلری تمانید اتیب اولدریلگندیب. اولرنی پلیس حوزه سی ایچکیریسده کیریب باریشیگه قادیربولگنی حقیده هیچ نرسه ایتمه گن.

ایچکی ایشلروزیرلیگ نینگ سوزچیسی صدیق صدیقی سونگی بیرگن معلوماتیده اوشبو هجومده اوچ پلیس بیر خوف سیزلیک عسکری هلاک بولگنینی ایتدی . شونینگ دیک عادی اهالیدن بیش کیشی قربان بولگن.

اوشبو هجومده توپلم اون ایککی کیشی یره لگن اولردن ایکتته سی پلیس عسکری بولیب باشقه قالگنی عادی اهالیدن عبارت بولگن.

یره لنگن لرنینیگ ساغلیک وضعیتی یخشی ایکن لیگی خبربیریلگن.

اوزینی طالبان گروهی سوزچیسی دیب تانشرتگن ذبیح الله مجاهد اوشبو حادثه مسوولیتینی اوزبوینگه الیب اوچ انتحارچینی پلیس نینگ بیرینچی حوزه سیده هجوم قیلگنینی ایتگن همده اوشبو حادثه ده بیرقنچه پلیس عسکرلری هلاک بولگنینی ادعا قیلگن.