قندوزده ناتو کاروانی انتحارچی تمانیدن نشانگه آلینگن

قندوز ولایتی نینگ هوا قونالغاسی یقینیده خارجی کوچلر کاروانی انتحارچی تمانیدن نشانگه الینگن محلی رسمیلرگه کوره پارتلشده عادی اهالی هلاک ویره لنگن.

انتحاری هجوم قندوز ولایتی نینگ هوا قونالغاسی یقنیده جایلشگن چهارسرکه دیب اتلگن منطقه ده یوزبیرگن.

معلومات لرگه کوره کورولا تور موترده پارتلاوچی ماده نی جایلشترگن بیر انتحارچی خارجی کوچلر کاروانی یقینده اوزینی پارتلتگن.

افغانستان ایچکی ایشلروزیرلیگی بیر خبرنامه ترقه تیب یوزبیرگن اوشبو انتحاری هجوم ده اوچ کیشی هلاک و اون بیر کیشی یره لنگنینی ایتگن.

اوشبو وزیرلیککه کوره هلاک ویره لنگن لرنینگ همه سی عادی اهالی دن عبارت.

ایچکی ایشلر وزیرلیگی بو عمل افغانستان دشمنلری تمانیدن اویشتریلگن دیب یازگن اوز بیاناتیده.

قندوز ولایتیده فعالیت الیب باره یاتگن خارجی کوچلرنینگ سوزچیلریدن بیری حادثه نی تصدیق لب ، المان لیک کوچلرگه هیچ قندی تلفات ایتکزیلمه گنینی معلوم قیلگن.

اونگه کوره انتحاری هجوم ده آلمان کوچلری نینگ حربی تانکلریدن بیریب قسما تخریب بولگن.

طالبان عصیانچیلری محلی خبرنگارلربیلن علاقه قوریب اوشبو هجوم مسوولیتینی اوزبوینگه آلگن.

اوتگن کون کابل شهریده کی پلیس حوزه سی عصیانچیلر تمانیدن هجوم گه توتیلیب کمیده توقیز کیشی قربان بولگندی.