کنرولایتیده پاکستان توپراغیدن راکت هجوملر

شرقی کنر ولاییتی نینگ محلی رسمیلریگه کوره بیرنیچه کوندن بیری اوشبو ولایت نینگ چیگره حدودلری پاکستان توپراغیدن جدی راکت اوقی بیلن نشانگه النیب کیلنماقده.

شو پیتگه قدر بوهجوملر جریانیده اینگ آز اون کیشی قربان بولیب بیرقنچه اویلر ویران ایتلگن.

عینی حالده بیرقنچه اهالی اوز اوی جایلرینی ترک ایتیشگه مجبوربولگنی ایتلماقده.

کنر ولایتی نینگ پلیس باشلیغی عوض محمد نذیری سونگی راکت اوقلری نتیجه سیده کمیده التی کیشی قربان بولیب بیرنیچه کیشی هم یره لنگنینی معلوم قیلدی کنرولایتی نینگ چیگره حدودلری بوندن الدین لر هم پاکستان توپراغیدن راکت اوقی بیلن نشانگه الیش حاللری کوزه تیلگنی خبربیلگندی.

کنر ولایتی نینگ پلیس باشلیغی عوض محمد نذیری بی بی سی بیلن بولگن صحبتیده یوزدن ارتیق راکت اوقی اوشبو ولایت نینگ شیگل، سرکانی، دانگام وناری منطقه لریده اصابت قیلگنینی ایتگن.

محلی رسمیلر شو نیچه کون جریانیده اوشبو راکت اوقلری نتیجه سیده اوندن ارتیق انسان قربان وبیرقنچه اهالی یره لنگنینی ایتگن. کنرولایتی نینگ پلیس باشلیغی عوض محمد نذیری بوگون ایرته هم نری تومنیده اون ایککی راکت اوقی اصابت قیلگنینی اتیب اینگ از التی کشی هلاک بولگنینی معلوم قیلگن.

"شوبوگون هم ساعت التی یریمده اون ایککی راکت اوقی نری تومینده کی اهالی اویلردن بیریده کیلیب توشدی، نتیجه ده التی کیشی اولیب و التی کیشی یره لندی. بیز مرکزی حکومت گه معلومات بیردیک. یوقاریدن بیزگه راکت جوابنی راکت بیلن بیرینگلر دیب بویورغ بیرسه ، بیز بو راکت اوقلریگه قرشی هرقندی جواب بیریشگه حاضر میز ."

پاکستان چیگره یقنیده جایلشگن کنر اهالیسی هرکونی راکت اوقلری هدف سیز اتلیب مردم نینگ عادی حیاتیگه معما یره تگنینی ایتگنلر.

پلیس کوچلری نینگ افغانستان شرقی حدودیده گی قوماندانی جنرال امین الله امرخیل پاکتسان توپراغیدن افغانستان نینگ راکت اوقی بیلن نشانگه الیش حاللری حاضرهم دوام تارتیب کیله یاتگنیدن خبربیریب بوحادثه نی افغانستان توپراغیگه تجاوز دیب بهاله گن.

بوندن آلدینلرهم پاکستان بیلن چیگره داش بولگن ننگرهار ولایتی نینگ ایریم منطقه لری پاکستان توپراغیدن راکت اوقی بیلن نشانگه الینگنی خبربیریلگندی.

حاضرگه قدر هم بو راکت اوقلرینی کیم وقیسی گروه تمانیدن آتلگنی معلوم ایمس. اما پاکستان وافغانستان چیگره حدودلریده عصیانچی گروه لر انچه فعال بولگن.

افغانستان جمهورریسی حامدکرزی پاکستان ده کی سونگی سفریده اوشبو اولکه بیلن بولگن علاقه لرنی یخشی بولشدن خبربیرگندی.

همده پاکستان مقاملری بیلن بولیب اوتگن اوچره شوولریده بیرقنچه کیلشوولر امضاله نیب، افغانستان ومنطقه بویچه تنیچلیکنی مستحکم لش اوچون ایجابی بولیشینی بهاله گندی.