اوباما، افغانستاندن حربیلری نینگ چیقیش ریجه سینی اعلام قیلماقده

Image copyright AFP

افغانستان مدافعه وزیرلیگی، امریکا قوشمه ایالت لری، افغانستانده گی کوچلری نینگ چیقاریش ریجه سی باشله نیشی دن حمایت بیلدیردی.

اوشبو وزیرلیک سوزچیسی،امریکا کوچلری نینگ بیر قسمی چیقیشی بیلن، اورته ده کیله یاتگن امنیتی بوشلیک نی تولدیریشیده افغان کوچلری تیارلیگی نی هم معلوم قیلگن.

مدافعه وزیرلیگی نینگ سوزچیسی جنرال ظاهر عظمی ، افغان ملی اردو کوچلری مملکت کوپراق منطقه لری نینگ خوف سیزلیک مسوولیت لری نی آلیشیگه هم قادر بولگنی نی ایتدی.

امریکا جمهور رییسی بیر یریم ییل آلدین، افغانستانده عصیانچیلیک قرشی سیده کوره شیش مقصدیده اوتیز مینگ ینگی حربی یوباریشی نی اعلام قیلیب همده، 2011 نچی میلادی ییل نینگ جولای آییده مذکور کوچلری نینگ تدریجی شکلده افغانستاندن چیقاریشی نی هم معلوم قیلگن ایدی.

ایندی بولسه افغانستان مدافعه وزیرلیگی امریکا کوچلری نینگ بیر قسمی چیقیشی بیلن، افغان ملی اردو کوچلری اورته ده کیله یاتگن امنیتی بوشلیک نی تولدیریشیده تیارلیگی نی ایتماقد.

عظیمی جنابلری شونگه قوشیمچه قیلیب، امریکالیک کوچلر، مملکت نینگ قه یسی منطقه سی دن چیقیشلری هم اولر نینگ مقام لریگه باغلیق لیگی نی ایتدی.

باشقه تماندن، خوف سیزلیک مسوولیت لری نینگ افغان لرگه تاپشیریش ریجه سی بیرآی دن آزراق پیتگه قدر باشلنه دی. لیکن شونده ی بیرحالده افغانستان پارلمان اعضا لری بو توغریده هیچ قنده ی بیر قرار آلمه گن لر.

اولوسی جرگه اعضا لریدن خانم آصفه شاداب، امریکا جمهور رییسی باراک اوباما تمانیدن، افغانستانده گی کوچلری چیقیش ریجه سی اعلام بولیشی، مملکت ناقرار لیک لری کوپه یشی ده تاثیر قوییشی نی معلوم قیلیب، اوشبو کوچلر حاضر افغانستاندن چیقیب کیتیشی کیره ک ایمس لیگی نی اورغوله گن.

افغانستان دولتی و خلق ارا کوچلرنینگ تروریزم بیلن اون ییل لیک قرشی کوره شیش جریانی حاضر مهم بیر مرحله ده ییتیب کیلگن.

امریکا قوشمه ایالت لرجمهور رییسی باراک اوباما، ساعت 8 آقشام واشنگتن پیتیده، امریکا حربی لری نینگ اون مینگ عسکری بیر ییل گه قدر افغانستاندن چیقیشینی اعلام قیله دی.

بو مسئله ایسه خلق و ایریم کوزه توچیلر مابینیده تورلی فکر و ملاحظه لرنی توغدیرگن.

افغانستان حکومتی گه کوره، افغانستانده گی اوریش لر جریانی، افغان و خارجی کوچلرنینگ یوتوققه ییریشتیریب، عصیانچی لرنینگ کوچ سیز قیلیب قالگن. لیکن بو حالتده قرگنده، بیر قطار کوزه توچیلر ایسه، امریکا حربی لری افغانستاندن چیقیب کیتیش ریجه سی عملی بولیشی بیلن، عصیانچیلیک فعالیت لر حاضر گی شرایطدن کوره، کینگه ییب، مملکت نینگ ایریم حدود لری، طالبان و عصیانچیلر نینگ تورلی هجوم لریده گواه بولیشی ممکن لیگی نی معلوم قیلماقده لر.