"دیپلماتیک حرکتلر نتیجه سیز قالدی"

Image caption مدافعه وزیری گه کوره، افغان ملی اردو کوچلری پاکستانگه جواب قه یتریش اوچون تیارگرلیک آلماقده

افغانستان تشقی ایشلر وزیری زلمی رسول راکت هجوملرینی الدینی الیش اوچون پاکستان بیلن الیب باریلگن دیپلماتیک سعی حرکت نیتجه سیز قالگنینی ایتدی. افغانستان ایچکی ایشلر وزیری راکت اوقلرینی پاکستان تمانیدن اتیلگنی باره سیده حجت لر موجود دیب، بیراق پاکستان بومسله نی شرم سیزلیک بیلن در ایته دیب تاکیدله دی. پارلمان کینگاشی بوکون افغانستان مدافعه، ایچکی ایشلر، تشقی ایشلر و چیگره وزیرلری قوشیمچه ملی اسختبارات ریسینی پارلمان گه چقرگندی. مجلیس سونگیده پارلمان کینگاشی بومسله نی حلی اوچون پارلمان اعضالریدن بیرگروه هیات نینگ پاکستانگه یوباریلشینی قرار الگن. عینی حالده راکتی هجوملرگه قرشی کابل گه ناراضلیک نمایش هم بولیب اوتدی. نمایشگه حصصه قوشگن اونلب کابل لیکلر پاکستان توپراغی ارقه لی افغانستان چیگره حدودلرینی راکتی هجوملر بیلن نشانگه النیشینی قتیغ قاره لب چیقدیلر. نمایشچیلر پاکستان گه قرشی بقریش بیلن تینچ بیرشکلده اوز ناراضیک نمایشلرینی کابل شهری نینگ شهرنومنطقه سیدن یولگه قویب قریب بیرساعت دوام بیردیلر. بیرنیچه هفته دن بیری خوست، ننگرها و کنر ولایتی نینگ پاکستان بیلن چیگره داش بولگن حدودلری پاکستان توپراغی ارقه لی راکت اوقلری بیلن نشانگه النیب کیلینه یاتگنی ملی کینگاشینی هم تقیدی بیلن بیرگه بولدی. عینی موضوع خصوصیده جواب بیریش اوچون ایچکی ایشلر، مدافعه چیگره قوملر وزیری قوشیمچه افغانستان ملی استخبارات اداره سی نینگ باشلیغی جواب بیریش اوچون ملی کینگاشیگه چقریلگندی. افغانستان تشقی ایشلر وزیری زلمی رسول راکتی هجوملرنی توخته تیش اوچون پاکستان بیلن الیب باریلگن سعی حرکت لر نیتجه سیز قالگنینی معلوم قیلدی. افغانستان مدافعه وزیری رحیم وردک پاکستان توپراغیدن افغانستاننی راکت اوقی بیلن نشانگه آلینیشینی باسغینچی لیک بیر عمل دیب، افغانستان ملی اردو سی نینگ بو عمل گه قرشی جواب بیریشگه تیار ایکن لیگینی اورغوله دی. عینی حالده ودرک جنابلری پاکستان نینگ بوعملی گه قرشی حربی مناسبت بیلدریش عاقبتی هم یمان بولیشی بیلن اگاه لنتردی. شونینگ دیک افغانستان ایچکی ایشلر وزیری بسم الله محمدی پارلمان ده ایراد ایتگن سوزلریده افغانستان چیگره حدودلرینی پاکستان تمانیدن راکتی هجومگه النیشگه اچیق حجت لر موجودلیگینی اورغولب بیراق پاکستان تمانی " شرم سیزلیک " بیلن بومسله نی رد ایته دی دیب فکر بیلدردی. بیرنیچه هفته دن بیری خوست ، ننگر هار، کنر ولایتلری نینگ پاکستان بیلن چیگره داش بولگن حدودلرینی پاکستان توپراغیدن نشانگه توتیلیب کیلینیشی نیگه توخته تیلمه گن دیگن سوراققلر ملت وکیللری تمانیدن تنقید بیرشلکده ایلگری سوریلدی. یغین نهایه سیده راکت هجوملرنی الدینی الیش اوچون ملت وکیللریدن عبارت بیرگروه هیات تشکیل ایتلیشگه قرار چیقاردیلر. پاکستان توپراغیدن دواملی روشده نیچه هفته دن بیری اتلیب کیلینه یاتگنی راکتی هجوملرینی الدینی الیش اوچون تشکیل ایتلگن هیات نینگ پاکستان رسمیلری بیلن ملاقات اوتکزیشی کوتیله دی. ایچکی ایشلر وزیری بسم الله محمدی گه کوره حاضرگه چه راکت هجومی نتیجه سیده 42 کیشی هلاک و 51 کیشی یره لنگن شونینگ دیک یوزلب عاییله لر اوز اوی جایلرینی ترک ایتیشگه مجبور بولگن