Сўнгги янгиланиш 2 июл 2011 - 09:34 GMT

اوزبیک خبرچی لری اوچون تیل سیمیناری یولگه قوییلدی

کابل ده افغانستان یاش اوزبیک ژورنالیست لری اوچون معیاری اوزبیک تیلی بوییچه عملی سیمیناری یول گه قویلدی.
هفته ده بیر مرته اوتکزیله دیگن بوتیل سیمیناری ده اوزبیک تیلی املاسی و گرامرقاعده لری اوستیده ایش آلیب باریله دی.
تیل شناسعزیزالله ارال تمانیدن اوتکزیله یاتگن اوشبو سیمینار ده، کابل شهریده اوزبیک تیلیده کورستو و ایشیتریشلر آلیب باریاتگن تلویزیون ورادیولر خادیم لری قتنشماقده.
افغانستان لیک اوزبیک ژورنالیست لری نینگ کته قسمی اوزبیک تیلیده تعلیم آلمه گن لری، اولر اوچون بو تیل ده مطبوعات ایش لرینی آلیب باریش ده معلوم قیینچیلیک لرتوغدیره یاتگنینی انابت گه آلیب اوتگن ییل لر دوامیده هم شونده ی تیل سمینارلری عمل گه آشیریلگن ایدی.

تقریبا اون ییل دن بویان اوزبیک تیلیده تورلی موضوع لر اینیقسه اجتماعی، سیاسی، مدنی و اقتصادی موضوع لر رادیو و تلویزیون لرده ایشتریش وکورستولرسانی کوپه یب ، کونده لیک لر ومجله لرسانی آرتیب بارماقده. بو ایسه اوزنوبتیده ژورنالیست لر، مطبوعات خادملری گه کتته احتیاج بارلیگی نی کورستماقده. اینقسه دری و پشتو تیل لری دن اوزبیک تیلی گه توغری ترجمه قیلیشنی طلب قیلماقده.

سمینار تشبث کارلردن محمد عالم کوهکن نینگ فکریچه، خودی شو معما لرنی حل ایتیش همده ژورنالیست لرنینگ مسلکی مهارت لرینی یوکسلتریش مقصدیده، مذکور سیمینار یولگه قوییلگن. شو باعث بوسمینارانچه تاثیرچن وفایده لی بولیشی ممکن.
شو نینگ دیک اوزبیک ژورنالیست لری، آلدینلری اوز آنه تیل لریده اوقیش و یازیش امکانیتی گه ایگه بولمه گن لری باعث بوگونگی کونده اوز آنه تیل لریده ایرکین یازیش و اوقیش دن قینله یاتگن لرینی ایته دیلر. بیراق شونگه قرمه ی، حاضرگی موجود شرایط و قوله ی لیک لردن ثمره لی فایده لنیش نی اوز آلدلریگه مقصد قیلیب قویگن لرینی هم تاکید له یدیلر.سیمنار قتنشوچیلریدن نور احمد یورتداش "شو کبی سیمنار لر یولگه قوییلیشی، یاش ژورنالیست لر نینگ اوزبیک تیلی بویچه ملکه لرینی آشیریش ده کتته خذمت قیایشی تورگن گپ" دیب ، سوزیورته دی.
استاد ارال گه کوره، اوتگن بیرنیچه ییل دن بویان اوزبیک تیلی نینگ رواجی اوچون تورلی امکانیتلر یره تیلدی. اساسی قانون ده اوچینچی رسمی تیل مقامی بیریلدی، بو تیل مطبوعتدن کینگ اورین آلدی، قلم اهلی، ژورنالیست لر، یازوچی – شاعرلرگه توسیق قالمه دی. ایندی اوزبیک نینگ اوزی، تیلی و ادبیاتی اوچون قیزیقیب حرکت قیلسه بولدی. بو وظیفه کوکسیده دردی، ایلی وتیلی بارلر ذ مه سیگه یوکلنه دی، خلاص. حاضر گی کونده پایتخت کابل همده بیرقطار شمال و شمال- شرقی ولایت لرده اونلب کونده لیکلر، مجله لر فعالیت کورستماقده. عین پیتده اوزبیک ویبلاگ اویشمه سی و بیر قطار رادیو لر بیلن بیرگه، آیینه ، آریانا ، ستاره ، نور ، راه فردا ، آرزو و ملی تلویزیون لری هم اوزبیک تیلیده خبر و تورلی ایشتریش لر آلیب بارماقده. شو نینگ دیک خلق ارا رادیو و تلویزیون لردن بی بی سی، آزادلیک و امریکا آوازی هم اوزلری نینگ اوزبیک تیلیده گی ایشتریش لری بیلن بوتیل گه کته قیزیقیش اویغتماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.