مک کین: امریکا حربیلری نینگ زودلیک بیلن چیقیب کیتشی خطرلی

Image copyright BBC World Service

امریکا جمهوری خواه حزب گه علاقه دار سناتور جان مک کین، امریکا کوچلرینی افغانستاندن چیقیب کیتیشی اوچون باراک اوباما تمانیدن اعلان ایتیلگن کون ترتیبی ریجه سی خطرلی و قولگه کیرتیلگن بیرییللیک یوتوق لرنینگ اورته دن ییلتیشی ممکن دیب خواطر بیلدرگن.

مک کین جنابلری سناتور لیندز گراهام وسناتون جولیبر من بیلن افغانستانده کی سفری جریانیده بو فکرینی بیلدیرگن.

عینی حالده مک کین جنابلری اوباما تمانیدن اعلان قیلینگن ریجه امریکا کوچلری نینگ طالبان گه قرشی کوره شیشیده منفی تاثیر قویشی ممکن لیگینی ایتگن.

افغانستانده فعالیت الیب باره یاتگن امریکا کوچلری نینگ باشلیغی ژنرال جان الن امریکا کوچلری نینگ چیقیب کتیش زمانینی یقینده عملگه اشریشی کوتیله دی. بو جنرال هم امریکا جمهورریسی تمانیدن اعلان ایتیلگن ریجه نی قسقه مدت ایچیده عملی بولیشدن خواطر اظهارایتگن.

اونگه کوره امریکا حربیلرینی موفقیت لیک بیلن افغانستان دن چیقاریلیشی تورلی ساحه لرده ایلگری سنجیش لر اینیقسه امریکا نینگ اتفاق داشلرینی موفقیت گه ایرشیشی و افغانستانده کی اداری فساد نینگ کمیشیگه باغلییق بولگن.

حاضرگی شرایطده قریب 100 مینگ امریکا عسکری افغانستانده فعالیت قیلیب کیلماقده لر.

امریکا قوشمه ایالت لری نینگ جمهور رییسی باراک اوباما قراری اساسیده جاری میلادی ییل نینگ اخرلریگه چه اون مینگ امریکا لیک عسکر افغانستاندن چیقاریله دی.

شونینگ دیک باشقه 23 مینگ امریکالیک عسکر میلادی 2012 ییل نینگ سپتامبر آیی گه چه ،افغانستاننی ترک ایتشی ریجه لشتریلگن.

جمهوری خواه حزبی گه علاقه دار سناتور لیندزی گراهام افغانستانده کی امریکا کوچلری سانی تیزلیکده آزه لتریلسه، افغان حربیلری بو اولکه نظارتینی قولگه الیش امکانیتی گه قادیر بولمه یشی ممکن دیب سوزیوریتگن.

مستقل سناتور جولیبرمن هم بو خصوصده مناسبت بیلدریب امریکا کوچلری نینگ بوتونلی افغانستان چیقیب کیتش زمانی ایتیب کیلگنده هم افغانلرنینگ خارجی لر حمایه سیدن بهرمند بولیشیگه ایشانچ بیلدرگن.

2014 میلادی ییلگه قدر خارجی کوچلرنینگ بوتونلی افغانستان دن چیقیب کیتیشی ریجه لشتریلگن.