کامرون: بریتانیا افغانستان نینگ ایریم بولیمده یاردم بیره دی

بریتانیا باش وزیری، افغانستان جمهور رییسی حامد کرزی بیلن قوشمه مطبوعات انجمنی یولگه قوییب، بریتانیا افغانستان نینگ اجتماعی، سیاسی، و حربی ساحه لریده گی اوزاق مدت لی کیلشو لر حقیده بولگن بحث مذاکره لریدن خبر بیریشدی.

جناب کامرون، افغان حربی کوچلری نی تربیه لش اوچون افغانستان ده بریتانیا میزان لریگه ماس بولگن بیر مرکز برقرار لشتیریشی نی هم معلوم قیلدی.

شونینگ دیک، دیوید کامرون بریتانیا افغانستاننی حربی نقطه نظردن ترک ایتیشی بیلن سیاسی نقطه نظردن ترک ایتمی اوتمش ده قیلگن خطا لرنی تکرار ایتمس لیگی نی ایتیب اوتدی.

اونگه کوره، بریتانیا کوچلری اوشبو مملکت نی ترک ایتگنی بیلن افغانستانده گی یاردم لرینی سیاسی مسآله لر یانیده فرهنگی و اجتماعی جهت لرده کوچه یتیره دی.

همده، کامرون جنابلری بریتانیا افغانستان تنچلیگی نی بر قرار لشتیریشگه یاردم ایتیشگه تیار ایکن لیگی نی تاکید له دی.

شونینگ دیک، افغانستان جمهوری رییسی حامد کرزی پاکستان بیلن مذاکره ده ایکن لیگینی ایتیب، افغانستان و پاکستان آره سیده روی بیره دیگن نا تینچ لیک لرنی حل ایتیشگه حرکت قیلیشینی معلوم قیلدی.

همده کرزی جنابلری، افغانستان پارلمانیده بولیب اوته دیگن معمالرنی رشد قیله دیگن دیموکراسی جریانی دیب بهاله دی.

" کینگاش اعضاسی سیلاولری دیموکراسی یولیده طبعی ترقیات جریانی دیب بیله من. دیموکراسیگه قدم قویگن هر بیر مملکت قیین چی لیککه دوچ کیله دی. اوشبو مسآله افغانستان اساسی قانونی بوییچه حل بوله دی. بو معمالردن چیقیب، افغانستان تجربه لی بیر نظام گه ایگه بولیشگه ایشانه من." دیدی کرزی جنابلری

بریتانیا برچه خلقرا کوچلر قطاریده اوز کوچلرینی 2014 چی ییل ده افغانستان دن چیقاریشی کوتیله دی. لیکن بریتانیا باش وزیری اوز کوچلرینی چیقاریش اوچون شاشیلمس لیگی نی ایتیب اوتگن.

کرزی جنابلری هم افغانستان دیموکراتیک کیله جگی اوچون اوزیگه اوزی ایگه بولیشی لازم ایکن لیگی نی تاکید له ب، خاریجی کوچلرنینگ چیقاریش ریجه عمل گه آشیریشی ضروری ایکن لیگینی معلوم قیلدی.