کامدیش ولسواللیگده طالبان قوراللی لری هجوم قیلگن

نورستان ولایتی نینگ کامدیش تومنیده یوزبیرگن توقنه شولرده محلی رسمیلرگه کوره 33 پلیس قرق دن ارتیق قوراللی طالب هلاک بولگن طالبان عصیانچیلری هجومینی الدینی الیش اوچون افغانستان مدافعه وزیرلیگی اوشبو منطقه ده قوشیمچه کوچ یوباریلشیدن خبربیردی.

افغان رسیملرینی معلوم قیلیشلریچه طالبان قوراللی لری اوتگن کون کیچ قرون کامدیش تومنیده کی خوف سیزلیک پوسته لریگه هجوم قیلگنیدن کیین افغان و طالبان عصیانچیلری اره سیده قتیغ توقنه شولرباشلنیب کیتگن. توقنه شوولر حاضرگه قدرهم دوام تارتیب کیله یاتگنی ایتیلماقده.

نورستان ولایتی ولایت حاکمی یوزبیرگن توقنه شولرده حاضرگه قدر 33 پلیس هلاک بولیب ویتتی پلیس یره لنگنینی ایتگن، همده ولایت حاکمی قرق دن ارتیق طالب هم قربان بولگنینی ادعا قیلگن.

عینی حالده طالبان عصیانچیلری تمانیدن بیرقنچه اویلرگه هم اوت قویلگنی ایتیلماقده.

بیراق کورنیشچه وضعیت اوته مرکب لشگن چونکه، خودی شومسله باعث افغانستان مدافعه وزیرلیگی نینگ سوزچیسی جنرال ظاهرعظیمی هم کابل ده مطبوعات انجمنی یولگه قوییب وضعیتنی ایتلگندن کوره هم اوته یمان دیب تعریف له دی.

همده عظیمی جنایلری طالبان عصیانچیلرینی یوق ایتیش اولرنی هجوملرنی الدینی الیش اوچون منطقه ده قوشیمچه افغان ملی اردو کوچلرینی یوباریلشدن خبربیردی.

"بیز دقت بیلن اوشبو منطقه نی نظارت استیگه الگن میز، اوشبو منطقه ده ایترلیچه کوچ یوباریلیشینی اینابتگه الگن میز، حاضرلیک کوریب تورگن، بیرقنچه ملی اردو عسکرلری میز جلال اباد دن هوا آرقه لی یعنی تیک اوچر لر بیلن بوگون اوریش یوزبیریب کیله یاتگن منطقه ده جونه تیله دی. وضعیت سیز، ایتگن لردن کوره هم اوته مرکب، بوخصوصده کینچه لیک معلومات بیره میز" دیب ایتدی عظیمی جنابلری.

لیکن وضعیت قیسی نقطه نظردن یمان بولگنی باره سیده عظیمی جنابلری اچیقچه معلومات بیرمه دی.بیراق کوزه توچیلر طالبان عصیانچیلری اغیر وینگل قورال بیلن کامندیش تومنیده هجوم قیلگنینی ایتماقده لر.

نورستان ولایتی پاکستان بیلن چیگره داش بولیب سونگی پیتلرده اوشبو ولایت نینگ ایریم منطقه لریده طالبان عصیانچیلری نینگ انچه فعال بولگنی ایتیلماقده. شونینگ دیک رسمیلر چیت ایللیک طالبان عصیانچیلرینی هم بو ولایت ده تاپیلگنینی اورغولب اولرنی ینگل واغیر قوراللر بیلن جهازلنگنینی ادعا قیلماقده.

طالبان قورللی لری بوندن قریب بیر ای الدین دواب تومنی نینگ نظارتنی قولگه الیب کینچه لیک اوشبو تومندن چیقاریلگندی.

ایندی اولر کامدیش تومنینی قولگه الیش اوچون هجوم قیلگن لر.

بوندن بیرینچه ای الدین نورستان ولایتی نینگ برگ متال و وانت وایگل تومنلرینی طالبان نظارتیده اوتگنی خبربیریلگندی.

.