جوزجانده پارتلش نتیجه سیده 8 پلیس هلاک بولگن

جوزجان ولایتی نینگ فیض آباد ولسواللیگیده پلیس موتری یول چیککه سیده اورنه تیلگن ماین بیلن توقنه شگن رسمیلرگه کوره اوشبو حادثه ده 8 پولیس خادمی هلاک بولگن.

جوزجان ولایتی نینگ پلیس باشلیغی عبدالعزیز غیرت ، مذکور حادثه بوندن بیرکون مقدم جوزجان ولایتیگه باغلیق فیض آباد ولسواللیگی نینگ کوکلداش منطقه سیده یوزبیرگنینی معلوم قیلگن.

غیرت جنابلریگه کوره، بلخ دریاسی آرقلی اوز زراعتی ییرلرینی سولنتریش اوچون آقچه، فیض آباد، مردیان همده مینگجیک ولسواللیک لری آره سیده کلشموچیلیک لرنی حل ایتش اوچون پولیس خادم لری اوشبو منطقه ده یوباریلگن ایکن.

رسمیلرگه کوره بیرنیچه رینجرموتریده بولگن پلیس عسکرلری اوشبو ولسوالیک لریدن جوزجان مرکزی قره ب کیله یاتگن بیرپیت، فیض تومنی نینگ کوکلداش قشلاغیده اولرنینگ موترلریدن بیری یول چیککه سیده اورنه تیلگن ماین بیلن توقنه شگن، نتیجه ده سککیز پلیس عسکری قربان بولگن.همده ماین بیلن توقنه شگن رینجر موتری هم بوتونلی ویران ایتیلگن.

محلی رسمیلر،ماین نینگ اوزاق دن باشقرلوچی اسکونه بیلن پارتله تیلگنینی معلوم قیلگن.

غیرت جنابلری حادثه دن کیین مذکور منطقه پولیس کوچلری تمانیدن اورب آلنگنیدن خبر بیریب حادثه گه عیب دار بیرینچه کیشی توتلیگنینی ایتگن.

سونگی پیتلرده جوزجان ولایتی نینگ ایریم ولسواللیک لریده ناتینچیلیک لر ارتیب بارماقده. هرچند اوشبو حدودلرده عصیانچی گروه لرنی یوق ایتیش اوچون حربی عملیات لر یولگه قویلیب کیلگن. لیکن شوندی بولسه هم عصیانچیلرنی حاضرگه قدر هم انچه فعال بولگنی جدی خواطر لرنی توغدیرگن.