امریکا ینگی مدافعه وزیری: اقاعده نینگ ستراتیژیک سیندیریش زمانی یقین

امریکا ینگی مدافعه وزیری لئون پانتا نینگ ایتیشیچه، القاعده ستراتیژیک سیندیریلیش زمانی یقین بولگن. پانتا جنابلری، کابل ده بولگن بیرینچی رسمی سفری ده، القاعده نینگ اون دن تا 20 مهم اعضا سی پاکستان، یمن و سومالیا ده بولگنی نی ایتگن.

او نینگ تاکید قیلیشیچه، اگرده امریکا کوچلری، القاعده ترماغی ده گی مذکور کیشی لر نینگ اوشله ب آلینیشی ویا هم اولدیریشی گه موفق بولسه، بو ترماغ فلج بولیشی ممکن.

لئون پانتا اون کون ایلگری امریکا مدافعه وزیری صفتیده رسمی شکلده ایشیگه باشله گن. او مذکور وظیفه دن آلدین، امریکا نینگ جاسوس لیک خذمتی( سی- آی- ای) تشکیلاتی نینگ رییسی ایدی.

افغانستان جمهور لیک ریاستی سرای تمانیدن ترقه تیلگن بیانات گه کوره، جمهور رییس کرزی پانتا جنابلری بیلن، مملکت خوف سیزلیک کوچلری نینگ کوچه یتیریشی، مخدره ماده لر بیلن قرشی کوره شیش، و خوف سیزلیک مسوولیت لرنینگ افغانلرگه تاپشیریش ریجه سی توغری سیده صحبت قیلگن لر.

اوشبو بیانات نینگ معلوم قیلیشیچه، مذکور اوچره شو نینگ جزییاتی کیین راق ترقه تیله دی.

امریکا مدافعه وزیری شونده بیر حالده افغانستانده کیلگن کیم، امریکا کوچلری تا جاری میلادی آی نینگ اخری دن بو مملکت دن چیقیش ریجه سی باشلنه دی.

باراک اوباما تمانیدن اعلام ایتیلگن استراتیژی اساسیده، اون مینگ امریکالیک حربی، 2011 نچی میلادی ییل نینگ اخیریگه چه افغانستاندن چیقیب کیتیشی لازم شو نینگ دیک مذکور ریجه تا 2014 نچی ییل گه قدر دوام ایتیشی بیلگی لنگن.

عین زمانده، امریکا و افغانستان آره سیده، ستراتیژیک کیلیشو نینگ امضا قیلیش ریجه سی هم جریانده.

هرچند مذکور سند نینگ تفصیلاتی حاضر گه قدر انیق لنمه گن لیکن کورینیشیچه، امریکا نینگ افغانستانده نیچه دایمی قرار گاهی ایجاد ایتیلیشی مذکور کیلیشو نینگ اساسی مسئله لریدن دیب بهالنگن.

بو مسئله افغانستان نینگ بیر قنچه چیگره داش اولکه لری اینیقسه ایران نینگ خواطرده سالگن.