افغانستان اهالیسی نی سانی کوپیشی خصوصیده خواطرلر

بیرلشگن ملتلر تشکیلاتی وافغانستان حکومتی اهالی سانی نینگ تیزلیک بیلن کوپیشگه قره گنده بو اولکه اقتصادی رواجلنمه یاتگنی کیله جکده جدی معما توغدریلشدن خواطر اظهارایتگن.

هرچند افغانستان اهالیسی نینگ قنچه ایکن لیگی باره سیده انیق حسبات بولمه گن. لیکن، بیرلشگن ملت لر تشکیلاتی نینگ چیقارگن تخمینی حسابتیده افغانستان اهالیسی نینگ سانی اوتزبیر ملیون ایکن لیگی معلوم قیلینگن.

بیرلشگن ملتلر تشکیلاتی نینگ جمعیت بولیمی نینگ مسوولی اری هوکمن افغانستان اهالی سی سانینی تیزلیک بیلن کوپیب باره یاتگنیدن جدی خواطر اظهار ایتیب بوحقده شوندی فکربیلدردی."افغانستان نینگ اهالی سانی واقتصادی اره سیده جدی مشکل بار شو نقطه نظردن آلیب قره گنده افغانستان اقتصادینی رواجلتریش ضرور. افغانستان اهالی سانی تیز آره ده کوپیماقده. بیراق اقتصادی رواجله نیش کوزگه کورنرلی ایمس.باشقه تماندن افغانستان اقتصادی خارجی یاردملرگه باغلیق بولیب قالگن حکومت بومعمانی حل ایتیش اوچون اعبتار قره تیشی کیره ک اولکه نی اهالی سانی کوپیگنده اقتصادنی هم رواجلنیشی ضرور." دیب ایتدی او.

بیرلشگن ملتلر تشکیلاتی نینگ چیقارگن تخمینی حساباتیده 2025 میلادی ییلگه قدر افغانستان اهالیسی نینگ سانی 47 میلون گه کوپیشی ممکن لیگی ایتیلگن.

شو جهت دن الیب قره گنده بیرلشگن ملتلر تشکیلاتی وافغانستان حکومتی اهالی سانی کوپیگن ده اقتصادی اوسیشلر اورته گه کیلمه گن تقدیرده کتته معما لر یوزه گه چیقیشی بیلن اگاه لنترماقده لر.

افغانستان عامه ساغلیک وزیرلیگی نینگ اورین باسری نادره حیات خلق ارا جمعیت کونی مناسبت بیلن کابل ده اوتکزیلگن یغینده اهالی سانینی ارتیب باریشی ساغلیک وتعلیم بولیملریده جدی تاثییر قالدریشینی ایتدی.

"اهالی سانینی کوپیشی، نه فقط محیط و منبع لرنی تاثیر استیده قویه دی بلکه مردم نینگ یخشی شکلده صحی وتعلیم خذمت لریدن بهره مند بولیشگه تاثیر قالدره دی یعنی بودیگنی اهالی سانی کوپ بولگن حالده امکانیت لر چیکلنیب اهالی یخشی شکلده صحی وتعلیم خذمت لردن یخشی فایده لنه المیدلر".

خانم نادره حیات بوکبی معمالرنی حل ایتش اوچون، ولادت اره سیده اره بیریش اوته رولی بارلیگینی اورغوله دی.

اونگه کوره بوقرارنی افغانستان اهالیسی اوز ایستک لری بیلن عملی قیلیشگه توغری کیله دی.

اونی ایتشچه حاضرگه قره گنده 24 فایز عیاللرولادت اره سیده اره بیریش تیزمیدن فایده لنماقده.

اهالی سانیدن انیق حسابات یوق لیگی اساسی معما بولیب، افغانستان حکومتی بیرنیچه مرته اهال سانینی سنش اوچون ایریم برنامه لرنی یولگه قویلشدن خبردی. لیکن، کورنیشچه بوکبی برنامه لر امینیت یخشی بولمه گنی وباشقه عامللرباعث عملی بولمه دی. ایندی لیکده افغانستان احصایه مرکزی امنیت توله تامین بولسه افغانستان اهالی سانینی سنش اوچون ایترلیچه تیارگرلیک بارلگیدن خبرگن.