پاکستان هجومی قرشی سیده، جلال آباد ده ناراض لیک نمایش یولگه قوییلدی

Image copyright AP

پاکستان توپراقیدن افغانستان گه قره اوق لر آتیلیشی قرشی سیده، یوزلب کیشی جلال آباد شهریده ناراض لیک نمایش یولگه قویدیلر.

خوف سیزلیک مقام لرگه کوره، پاکستان توپراقیدن افغانستان شرقیده گی کنر، ننگرهار و خوست ولایت لریده حاضر گه چه، 760 دن کوپراق راکت اوقی آتیلگن.

اوشبو مقام لر نینگ معلوم قیلیش لریچه، مذکور راکت هجومی نتیجه سیده، 40 کیشی دن کوپراق عادی اهالی قربان بولگن همده اونلب انسان یره لنیب، شو نینگ دیک دیک بیر قنچه عایله لر اوی جای لریدن آواره بولگن لر.

پاکستان مقام لری ایسه، مذکور راکت اوق لری، پاکستان توپراقیدن آتیلگنی نی رد قیلیب، بو مسئله توغری سیده تیکشیریش ایشی نی باشله گنی دن خبر بیرگن لر.

جلال آباد ده یولگه قوییلگن ناراض لیک نمایش ده، پاکستان، امریکا و افغانستان حکومتی قرشی سیده شعار لر بیریب، اوشبو هجوم لر نینگ توخته تیلیشی نی طلب قیلگن لر.

شو نینگ دیک اولر، پاکستان تمانیدن آتیلگن راکت لر نتیجه سیده، قربان بولگن ویا هم یره لنگن لر نینگ رسم لرینی مذکور نمایش ده قول لریگه آلگن ایدیلر.

ناراض نمایش چیلر، نمایش لری نینگ، جلال آباد شهری دن باشله ب، پاکستان نینگ قنسول لیگیگه چه بارماقچین بولگن ایدیلر لیکن پولیس کوچلری، او ییرده باریش ده ممانعت قیلگن.

اوتگن ایککی هفته جریانیده، پاکستان نینگ راکت اوقی آتیلیشی توخته تیلیشی حقیده، مملکت نینگ شرقی حدودیده، اوچ ناراض لیک نمایش یولگه قوییلدی.

اوتگن هفته، کابل لیک لر هم خود شو معما حل ایتیلیشی اوچون، ناراض لیک نمایش یولگه قویگن ایدیلر.

شو نینگ دیک نیچه کون آلدین، افغانستان خوف سیزلیک نیچه ، ناتو کوچلری نینگ بیر قنچه اعضا سی بیلن قوشیمچه، پاکستان دن اوق آتیلیشی توخته تیلشی خصوصیده صحبت قیلیش اوچون، مذکور ممکلت ده بارگن لر.

افغانستان جمهور رییسی حامد کرزی هم اوشبو مسئله اوچون، حربی یولی دن فایده لنمه یدی بلکیم، دیپلوماتیک یولی دن مذکور معما نینگ حل قیلیشگه حرکت قیلیشی نی معلوم قیلگن.

شونده ی بیرحالده، افغانستان پارلمانی بیلن قوشیمچه، کرزی جنابلری نینگ مذکور عکس العملی توغری سیده، قرشی لیک بیلدیریب، کرزی نینگ انتقاد آستیده آلگن لر.