ولی کرزی نینگ توپراققه تاپشریش مراسمی بولیب اوتگن

Image copyright BBC World Service

افغانستان جمهورریسی حامدکرزی اوکه سی احمد ولی کرزی نینگ توپراققه تاپشریش مراسمیده سوزیورتیب طالبان عصیانچیلرینی ینه بیربار تینچلیک پروسه لریگه قوشلیشگه چقرگن.

احمد ولی کرزی نینگ جسدی بوگون قتیغ امینیی چاره تدبیرلر بیلن توغیلگن جای قندهار و لایتی نینگ کرز ولسواللگیده توپراققه تاپشریلگن.

افغانستان عالی تینچلیک قوریلتای نینگ رهبرلری هم احمد ولی کرزی نینگ تینچلیک پروسه لری اوچون یولگه قویلیب کیلگن برنامه لرگه جدی همکارلیک قیلگنینی اورغوله گن.

افغانستان جمهورریسی حامدکرزی اوز اوکه سی احمد ولی کرزی نینگ توپراققه تاپشریش مراسمیده قسقه ایراد ایتگن سوزلریده افغانستان ده تینچلیک کیتریش اوچون یولگه قویله دیگن برنامه لرگه بوکبی اولدریش لر هیچ قندی تاثیر قویمسلیگینی اورغوله گن.

همده او طالبان گروهینی ایناغه اتب ینه بیر بار اولرنینگ تینچلیک جریانیگه قوشیلیشگه چقریب بوحقده شوندی مناسبت بیلدرگن."وطنداشیم، ایناغم، اولدریش کوپ اسان بیر ایش، هرکیم بو ایشنی قیله آله دی. مرد شو کیشی دیرکه باشقه لر حیاتینی سقله سه ".

احمدولی کرزی قندهارده ،کوچلی سیاستچی صتفتیده تانیلیب سونگی پیتلرده یعنی حیاتی دوریده طالبان بیلن مذاکره قیلیش موضوع سیگه کتته رول اوینب کیلگنی ایتلگن.

افغانستان عالی تینچلیک قوریلتای نینگ اورین باسری عطاالله لودین اونی تینچلیک پروسه لریگه کتته حصصه قوشیب کیلگنینی معلوم قیلیب. حتی کی ایریم مخالف گروه لر بیلن هم تینچلیک نی مستحکم لش اوچون علاقه ده ایکنینی ایته دی.

کرزی نینگ اوکه سی احمد ولی کرزی رسمی وظیفه سیدن تشقری قندهار ولایتیده کی پوپل زی قومینی هم رهبرلیک قیلرایدی.

افغانستان جمهورریسی حامدکرزی دفن مراسمی توگه گندن کیین باشقه بیر اوکه سی شاه ولی کرزی نینگ پوپل زی قوم باشلیغی صفتیده تعین ایتگن.

هرچند احمد ولی کرزی اینگ یقین ادمی بولگن اوز قوریقچیلرینی قوماندانی تمانیدن اولدریلدی بیراق طالبان گروهی حادثه مسوولیتینی اوز بوینگه الیب ولی کرز نینگ قوریقچیلرینی باشلغی سردار محمد طالبان بویوروغی اساسیده احمد ولی کرزی نینگ اولدردی دیب ادعا قیلگن لر.

عینی حالده طالبان بو شخصنی بیرقنچه مدت دن بیری طالبان منفعتیگه ایشلب کیلگنینی هم ایتیب اوتگن لر.

ولی محمد کرزی قندهار ولایتی نینگ ولایتی کینگاش باشلغی صفتیده وظیفه الیب باررایدی او مخدره ماده قاچاقی وکینگ کولمده مالی فسادگه قولی بارلیگیگه عیبله نیب کیلگن عینی حالده ناقانونی قوراللی گروه قوریش عیبلاوی هم اونگه قویلگندی . بیراق احمد ولی کرزی بوکبی ادعالرنی مطلقا رد ایتگندی.

باشقه تماندن افغانستان سیاستچیلری اونی قندهار اهالیسی اینقسه جنوبی حدودلرده کوپلب طرفداری بارلیگی اورغوله نیب شو اوچون هم اونی هلاک ایتیلگنی تینچلیک برنامه لری همده قندهار و بو ولایت بیلن قوشنی بولگن ولایت لرد تینچلیگیگه منفی تاثیر قالدریشی ممکن لیگی ایتلماقده.