لشکرگاه خوف سیزلیگی افغان کوچلریگه تاپشریلدی

ناتو کوچلری هلمند مرکزی لشکرگاه شهر نینگ خوف سیزلیک مسوولیت لرینی افغان امنیتی کو چلریگه رسماً تاپشیردی.

هلمند ولایتی نینگ حاکمی گلاب منگل پاکستان بیلن چیگره داش بولگن حدودلرنی سقلش اوچون اعتبار بیریلمه سه بو پروسه نینگ موفقیت لیک بیلن عملی بولمسلیگی ممکن لیگینی ایتگن.

لشکرگاه جنوبده کی اینگ ناقرار شهرلردن بیری بولیب بامیان ولایتی ولغمان مرکزی مهترلام شهریدن کیین اوچینچی منطقه دیرکه خوف سیزلیگی افغان امنیتی کوچلریگه تاپشریله دی.

هلمند ولایتی نینگ ولایت حاکمی گلاب منگل ایراد ایتگن سوزلریده بیرقنچه طلب لر بیلن چیقیب افغان امنیتی کوچلرینی جهازلنتریش اوچون ایترلیچه یاردم بولیشینی طلب قیلگن."بو انتقال پروسه سی نینگ بیر بولیمی بیز بو برنامه نی کوچیتریب تومنلرده هم عملی قیلشی میز کیره ک.2014 میلادی ییلگه چه بوتون خوف سیزلیک مسوولیت لری بیزنینگ ضیممه میزگه توشه دی. دنیاهم جمعیت مملکت لری بیرگن وعده لرینی عملی قیلیش لازم." دیب ایتگن هلمند حاکمی .

عینی حالده هلمند ولایت حاکمی هلمندو ولایتی نینگ ، پاکستان بیلن اوزون چیگره سی بارلگینی اورغولب عصیانچی گروه لرنی چیگره نی اوتمانیدن اوتیب کیلشینی الدینی الیشگه ناتو نینگ دیرلی همکارلیک قیلیشگه چقردی.

خوف سیزلیک مسوولیت لرینی افغان امنیتی کوچلریگه تاپشریش پروسه سی نینگ نظارت قیلیش اوچون قوریلگن کمیسیون باشلیغی داکتر اشرف غنی احمدزی هلمند ولایتیده خوف سیزلیک کوچلرینی جهازلنتریش اوچون مثلی کوریلمه گن یاردم بیریلشینی سوزبیرگن. اونگه کوره کیله جک اوچ ییل جریانیده یککه هلمند ده امنیتی کوچلرنینگ جهازلنتریش اوچون یتتی یوزو آلتمیش بیش ملیون دالر یاردم بولیشی اینابتگه الینگن.

چیت ایلیک کوچلری نینگ افغانستانده کی عمومی قوماندانی جان آلن، افغان امنیتی کوچلریگه هرتمانله مه یاردم بیریلیشه ایشانچ بیلدرگن.

لشکرگاه شهر نینگ خوف سیزلیک مسوولیتلری افغان کوچلریگه تاپشریلشی بریتا کوچلری نینگ افغانستانده کی ماموریتینی کامل بولیشگه توغری کیله دی شوندی ریجه لر عملی بولیشی بیلن بریتانیا کوچلری 2014 میلادی ییلگه قدر افغانستاننی ترک ایتیشی ممکن.

بریتانیا نینگ افغانستانده قریب اون مینگ حربی سی بار، اولرنینگ اکثریتی جنوبی ناقرار هلمند ولاتیده جایلشگن.

هرچند هلمند مرکزی سونگی پیتلرده انچه تینچ ایدی بیراق، عصیانچی گروه لرنینگ اوشبو شهر اطرافیده فعال بولگنی ایتیلماقده.

جاری هفته ده عصیانچیلر ایککی ایری هجومنی افغان وبریتانیا کوچلریگه قرشی اویشتردی.

اوتگن شنبه کونی ملی اردو کمیده بولگن بیرعصیانچی، بریتانیا عسکرلریگه هجوم قیلیب بیر عسکرنی هلاک ایتدی. شونینگ دیک اوتگن دوشنبه کونی لشکر گاه اطرافیده کی پلیس پوسته لریدن بیرگه عصیانچیلر هجومی نتیجه سیده اینگ از یتتی پلیس قربان بولدی .