افغانستان: بریتانیا حربی لری باله لرجراحت لنگن لیگی حادثه سینی تیکشریش نی باشله گن.

Image copyright Reuters
Image caption عادی اهالی تلفاتی خصوصیده ایریک خواطر یولگه قویب کیلینماقده

اپاچ تیک اوچرلری هجوم لریده تینچ اهالی هلاک بولگن لیگی سانی هم ارتگن . شنبه کونی بریتانیا حربی لرنینگ عملیاتیده باله لریاره لنگن لیگی حادثه سی باره سیده تیکشیرو باشله تیلگن.

حادثه شنبه کونی هلمند ولایت نینگ نهرسراج تومنده یوزبیرگن. بریتان حربی لریگه کوره ، آپاچه تیک اوچرلریدن عصانکارنی نشانگه آلگن پیتده بیش باله جراحت لنگن.

بریتانیا حربی لرنینگ افغانستان ده گی سوزچی سی ایتشیچه ، شنبه کونی آپاچه تیک اوچرلری تنیق لی عصانکارلردن بیرینینگ ایزیگه توشگن. بی بی سیگه عیان بولیشچه ، موتورسیکل گه اولتیریب قاچگن عصانچی گه ، تیک اوچردن قره ته اوق اچیلگن و باله لرایسه عصانچی لرگه یقین بولگن لیک لری اوچون اولرگه اوق تیگن.

بریتانیا حربی لری سوزچی سی ، عملیاته عادی خلق جبرکورگنی دن قتیغ قیغوده ایککن لیگی نی بیلدیریشگن. حادثه بویچه تیکشیرو دوام ایتماقده .بیش باله یقینده گی کسلخانه ده یاتقیزیلگن واولرگه بریتانیا حربی لری تمانیدن طبی خذمتی یاردمی ایتکزیلماقده.

بیرلشگن ملت لرتشکیلات نینگ مسولریگه کوره ، 2011 انیچی میلادی ییل نینگ باشله نیشی دن حاضرگه قدر افغانستان خلقی اوچون اینگ هلاکت لی ییل بولگن . معلوم قیلنیشچه ییل باشیدن بویان 1400 دن ارتیق عادی اهالی هلاک بولیشگن.

افغانستان جمهور ریسی حامد کرزی ایسه ، خلقرا کوچلرتمانیدن الیب بارلگن عملیات لرجریانیده عادی اهالی نینگ هلاک بولگن لیگی نی بیرنیچه بار قاره لب چیقگندی.

Бу мавзуда батафсилроқ