بی بی سی خبرنگاری، احمد امید خپلوا ک، ارزگان ده اولدی

احمد امید خپلواک
Image caption ایگرمه بیش یاشیده بولگن امید خپلواک بیر فرزند آته سی بولگن

بی بی سی خبرنگاری ارزگان ولایتی نینگ مرکزی ترینکوت شهریده گی اویشتیریلگن هجوم لر جریانیده اولگن. رسمی لرنینگ ایتیشلریچه، قراللنگن یتتی خودکوش هجومچی ارزگان والی سی نینگ ایشخانه سی و ایرم باشقه دولتی اداره لرگه هجوم اویشتیرگن لر.

معلومات لر گه کوره، عسیان چی لردن ایککی سی اوزینی پارتله تگنی دن کیین آغر توقنشو افغان کوچلری و جنگره لر آره سیده روی بیرگن.

ایتیلیشیچه امید خپلواک، قراللی لر ارزگان محلی رادیو و تلویزیون اداره سیگه هجوم اویشتیرگن پینی محل ده حضوری بار ایکن. او نینگ میتی ایسه اوشبومحل استدیو سیدن تاپیلگن.

خپلواک جنابلری نینگ لری نینگ همکار لری، افغان پولیس کوچلری نینگ قابلیت لری حقیده گزارش تیارله دیگن پیتی هلاک بولگن.

هجوم ده، بی بی خبرنگاری یانیده، کمیده ایگرمه کیشی اولیب، و ینه اوتیز سیکیز کیشی تن جراحتی آلگن لر.

افغانستان ایچکی ایشلر وزیرلیگی نینگ ایتشیچه، اوشبو واقعه ده اوچ پولیس کوچلری اولیب، و ینه اوچی اوچ پویلیش کوچلری تن جراحتی آلگن. اولگن لرنینگ کوپ قسمی عادی اهالی بولگن.

افغانستان جمهوری ریئسی حامد کرزی، آیساف، افغانستان آزاد مطبوعاتی، ارزگان والی سی، و مملکت نینگ تورلی منطقه لر خبرنگار لری احمد امید خپلواک نینگ اولیمی نی قاره لب چیقگن لر.

احمد امید خپلواک، پژواک مطبوعاتی همده ارزگان محلی رادیو و تلویزونی ده خبر نگار صفتیده ایش آلیب بارردی.

احمد امید ایگرمه بیش یاشیده بولیب، اونینگ بیرینچی اوچ آی لیک، قیز، فرزندی یتیم قالگن.

افغانستانده جنگره لرنینگ قانلی هجوم لری مملکت نظارتی نی افغان کوچلریگه تاپشریش ریجه باشلنگی بیلن شدت تاپماقده.

بوندن بیر کون آلدن قندهار ولایتی شهر حاکمی ایشخانه سیده صادر ایتیلگن خود خوش هجومی ده هلاک بولگندی.