ناتونینگ بیر تیک اوچری اضطراری قونیش گه مجبور بولگن

ناتوکوچلریگه کوره اوشبو کوچلریگه تیگیشلی بیر تیک اوچر شرقی پکتیا ولایتیده اضطراری قونیش گه مجبور بولگن. اما، طالبان تیک اوچرنی اوریب توشریلگنینی ادعا قیلگن.

ناتو کوچلری بیر بیانات ترقه تیب اوشبو حادثه ده سبب نیمه بولگنینی اورگه نیش اوچون تحقیقات باشلنگنینی ایتگن همده، بیاناتده عصیانچیلر خطری باعث تیک اوچر اضطراری قونیش گه مجبور بولمه گندیب فکر بیلدریلگن.

بوحادثه ده احتمالی تلفات لر باره سیده خبر ترقه تیلمه گن.

پکتیا ولایتی نینگ محلی رسمیلری اوشبو تیک اوچرنی زرمت تومنیده هلاکت گه اوچره گنینی ایتگن.

پکتیا ولایتی نینگ ولایت حاکمی سوزچیسی روح الله سمون نینگ ایتیشچه ناتو کوچلری حادثه یوزبیرن محلنی قمره ب آلیب. مطبوعات گه اچیق معلومات بیرمه گنلر.

طالبان عصیانچیلری اوشبو تیک اوچر طالبان جنگره لری تمانیدن اوریب توشریلگنینی ادعا قیلگن.

بوندن ایککی کون الدین هم ناتو کوچلری نینگ شینوک ناملی بیر تیک اوچری میدان وردک ولایتی نینگ سید آباد تومنیده هلاکت گه اوچره ب نتیجه 38 کیشی قربان بولگندی.

قربان بولگنلرنینگ اکثریتی امریکا مخصوص کوچلریدن عبارت بولیب یتتی افغان عسکری هم قربان لر اره سیده موجود بولگن.

ناتو کوچلری میدان وردک تومنیده تیک اوچرنی قندی هلاکت گه اوچره گنینی انیق لش اوچون تحقیقات ایشلر باشلنگنینی ایتگن. طالبان عصیانچیلری بو تیک اوچرنی هم اوریب توشیریلگنینی ادعا قیلگندی.

باشقه بیر خبر گه کوره یکشنبه کونی یوزبیرگن زوروانلیک لرده ناتو کوچلری نینگ تورت عسکری ایری حادثه لرده قربان بولگن.

فرانسه حربی لری اولردن ایکته سینی فرانسه لیک عسکر بولگنینی تصدیق لب کاپیسا ولایتیده یوزبیرگن توقنه شولرده قربان بولگنینی معلوم قیلگن.

باشقه ایککی چیت ایللیک عسکرنی کیم لیک حجتی فاش ایتیلمه گن بیراق ناتو کوچلری اولرنینگ افغانستان جنوبیده قربان بولگنینی ایتگن.