کوچمنچی لر نینگ کابلده گی ناراض لیک نماییشی

کابل شرقی ده گی اهالی و کوچی لر آره سیده ییر اوستیده یوز بیرگن اوریش نتیجه سیده بیر کیشی هلاک بولگن و اوچ کیشی یره لنگن.

شونده ی بیر حالده، اونلب کوچمنچی بوگون، پارلمان یقینیده ناراض لیک نمایش یولگه قوییب، ملت وکیل لربیری نینگ ایناغه سی مذکور اوریش نی یولگه قوییشی همده دولت ییر لری نینگ غضب ایتیشیده عیب لب چیقدیلر.

اوشبو ناراض کوچی لر یره لنگن اوچ کیشی نینگ بیرگه لریگه پارلمانگه کیلتیریب، اوی جای لری بگرامی منطقه سی نینگ اهالی سی تمانیدن کویدیریلگنی نی هم ادعا قیلدیلر.

اوشبو ناراض کیشی لر نینگ ادعا قیلیش لریچه، بوگون یرته لب، قورال لی کیشی لر اولر نینگ اوی جای لریگه هجوم اویشتیریب، نتیجه ده، کوچی لرنینگ بیر کیشی سی اولیب ینه اوچ کیشی هم یره لنگن.

ناراضلیک نمایش نینگ یولگه قویگن لرنینگ ایتیش لریگه کوره، اولر دولتی ییرلرده جایلشگن لیکن مذکور زمین لر پارلمان اعضالری دن بیری قیس حسن نینگ ایناغه سی میرویس تمانیدن غصب ایتیلگن. بیراق قیس حسن ایسه، کوچیلر، اهالی ییر لری نینگ غضب ایتیشی گه عیب له ماقده.

قیس حسن نینگ معلوم قیلیشیچه، کوچی لر جایلش گن منطقه، حسین خیل قومی گه تیگیشلی ییرلر دیر.

اونینگ ایتیشیچه، کوچی لر قانون سیزشکلده بو ییرده جایلشگن لری اوچون، اوشبو منطقه اهالی سی قرشی لیک کورسه تگن لر.

شو نینگ دیک قیس حسن جنابلری مذکور قضیه ده هیچ قنده ی رابطه سی یوق لیگیگه هم تاکید قیلگن.

توقنه شو لر کوچی لر و اهالی آره سیده یوز بیریشی ینگی بیر مسئله ایمس. بوندن آلدین افغانستان نینگ نیچه منطقه سی جمله دن مملکت مرکزی حدود لری، و پایتخت کابل نینگ غربی حدود لری، اهالی و کوچی لر اره سیده قتیغ اوریش لرگه گواه بولگن.

اوشبو اوریش لر هر دایم هر ایکله تماندن تلفات قالدیرگن.

ییر لر نینگ غضب ایتیش ادعا لری کوچی لر و خلق نینگ اره سیده اوتگن نیچه ییل دن بیری جدی بیر معما شکلده توریب توخته گن.

هرچند افغانستان حکومتی مذکور جنجل نینگ اساسی شکلده حل ایتیش اوچون مخصوص بیر کمیسیون ایجاد ایتگن لیکن مذکور کمیسیون ایش لری هم بو کتته جنجل لر نینگ حاضر گه قدر حل ایته آلمه گن.