ولسی جرگه نینگ عالی محکمه گه قرشی جدی قراری

Image copyright AP

افغانستان نماینده لر کینگاشی عالی محکمه رییسی وبیش اعضاسینی محکمه بولیش قرارینی اکثریت آواز بیلن تصدیق له دی.

ملت وکیللریگه کوره اولر، بوندن آلدین اوز وظیفه لریدن صلاحیت سیز بولگن بیراق حاضرگه قدر هم ایش الیب بارماقده.

عینی حالده اوشبو تصدیق لنگن قرارده بولر اورنیده باشقه کیشی لر تعین ایتیلمسه، جمهوررییس کرزی تقنینی بویوروغ لر همده خلق ارا میثاق لرنی عالی محکمه گه یوباره آلمسلیگی بیلن اگاه لنترگن.

صادر ایتلگن اوشبو قرارده عالی محکمه گه عایید بوتون ایشلرنی حکومت نینگ باشقه اداره لری تمانیدن اجرا ایتیلمسلیگی هم تاکیدلنگن. بو قرار پارلمان کینگاشی نینگ وکیللریدن بیری محمد رفیق شهیرتمانیدن جلسه جریانیده اوقیلیب قرار نینگ ایریم بندلری قوییده گی چه شرح لنگن. "عالی محکمه ریسی و ینگی اعضاسی تعین ایتلمه سه اولرنی هیج بیر حکمی نینگ اعتباری یوق، شونینگ دیک حکومت وافغانستان محکمه لری قانون لر و خلق ارا مییثاق لرنی تفسیر و اساسی قانونگه تطبیق ایتیش اوچون عالی محکمه گه یوباره آلمیدی . مالیه وزیرلیگی محکمه امضاسی بیلن اجراًت قیله المیدی."

عینی حالده چیقاریلگن قرارده عالی محکمه گه عایید بوتون خبر وموضوع لرنینگ ملی تلویزیون ارقه لی ترقه تیلمس لیگی مدنیت وخبر لر وزیرلگیگیه بویورغ بیریلگن. یعنی بودیگنی بو ارگان گه عایید خبرلرهم بوندن بویان بو قرار اساسیده ملی تلویزیون تمانیدن نشر ایتیلمیدی.

شونینگ دیک اوشبو قرارنینگ آخرگی بندیده، دولت نینگ باشقه اداره لری بوقرارگه اعتبار قره تمه سه پارلمان گه چقریلیب اولر بیلن جدی یانداشیلیشی تاکیدلنگن.

اما ایریم ملت وکیللری بوقرارنی اساسی قانونگه قرشی بیلیب اونینگ تطبیق ایتلیشی افغانستان اهالیسی اوچون کتته بیر جفا دیه فکربیلدردیلر. عینی حالده شوندی حرکتلر اولکه نی بحران گه الیب کیلیشی بیلن اگاه لنتردیلر.

اما شوندی بولسه هم اکثریت اواز بیلن ملت وکیللری توقیز بند دن عبارت بولگن قرارنی تصدیق له دیلر.

ملی کینگاش نینگ ایشگه باشله شی بیلن عینی حالده پارلمان سیلاولری نتیجه سی یوزه سیدن تیکشریش اوتکزیش اوچون مخصوص محکمه قوریلگنیدن کیین ولسی جرگه و قضای اورگانلرآره سیده قرمه قرشیلیکلر پیدا بولدی.

اوشبو قوه لردن هربیری بیر بیرولرینی غیر قانونی لیکده عبیلب کیلماقده.

ملت وکیللری بوندن قریب ایککی آی آلدین عالی محکمه رییسی و باشقه بیش اعضاسی قوشیمچه قاره لاوچی اداره باشلیغی نی قانونگه ماس ایش مدت لری توگندیب اولرنینگ صلاحیت سیز اعلان قیلگندی. همده ملت وکیللری جمهورریسی حامدکرزیدن، اولر اورنیده باشقه کیشی لرنی ایشانچ اواز الیش اوچون پارلمان گه تانشتریلشینی طلب قیلگندی اما قضای اورگانلر باشلیغلری، ولسی جرگه اعضالری نینگ غیری قانونی پارلمان گه یول تاپگن دیب شوباعث هم اولرنینگ بوخصوصده چیقارگن قرارینی قانونی ایمس لیگینی ایتب کیلگن.

افغانستان عالی محکمه باشلیغی، ولسی جرگه نینگ سونگی قراری حقیده حاضرگه هیچ قندی مناسبت بیلدرمه گن.