کابل بیلن قوشنی ولایت لر ناتینچ بولگن

وردگ ولایتیده اوغیرلنگن سککیز خوف سیزلیک خادمی جسد لری افغانستان شرقیدن تاپیلگن خبری چیقیشی بیلن مذکور ولایتده ناتینچ لیک لر کوپه یگنی توغری سیده خواطر لر هم کوپه یگن.

وردک ولایتی نینگ والی سیگه کوره، اولرنینگ جسدلری کوتی آشور دیب اتلنگن منطقه دن تاپیلگن.

شونده ی بیر حالده، میدان وردک محلی مقام لری، سیکیز خوف سیزلیک مأمور لری نینگ اوغیرلنگنی اوچون، وردک خوف سیزلیک کوچلری، اوچ عصیانچینی عیبله ب قولگه آلنگنیدن خبربیرگن.

میدان وردک ولایتی پایتخت کابل یقنیده جایله شیب اوشبو ولایت نینگ ایریم منطقه لری سونگی پیتلرده ناتینچ بولماقده.

میدان وردک والی سی حلیم فدایی، مذکور ولایتده نا تینچ لیک لر کوپه یگنی توغری سیده، اوشبو ولایتده جایلشگن ملی اردو غفلت قیلیشی نی ادعا قیلماقده. اونگه کوره، اگر ده ملی اردو کوچلری مذکور ولایتده یخشی فعالیت قیلسه لر وردککه فعالیت قیله یاتگن طالبان گروهی نینگ زود لیک بیلن اورته دن ایلتیشیگه موفق بوله آله دیلر.

"ملی اردو کوچلری نینگ غفلتی اوچون میدان وردک گه ناتینچ لیک لر کوپه یگن. چونکه عملیات لر رهبریتی ملی اردو قولیگه دیر. شو نینگ دیک ملی اردو پوسته لری نینگ 20 دن تا یوز مترلیگیگه چه، موتر لر اوتگه آلینه دی، خلق اوغیرلنه دی، همده راکت اوقی آتیله دی، و یول چیکه سیگه ماین لر اورنه تیله دی."

اوتگن هفته ناتو کوچلری نینگ بیر تیک اوچری طالبان تمانیدن اوشبو ولایتده هلاکت گه اوچره گنی باعث 38 کیشی قربان بولگن ایدی.

امریکا حربیلری اوشبو تیک اوچر هلاکتی گه سبب بولگن طالبان عصیانچیلرینی حربی عملیات لرنتیجه سیده اولدریلگنینی معلوم قیلگن بولسه هم مذکور ولایت ایریم حدود لریده طالبان آچیق شکلده فعال بولیب توخته گن.

بوندن تشقری، کابل و وردک بیلن کینگ یولی بولگن لوگر ولایتی خوف سیزلیگی هم بوزیلیب قالگن.

مذکور ولایت حاکمی عتیق الله لودین، اوشبو ولایت میدان وردک بیلن یولی بولگن منطقه لرگه طالبان گروهی باریش کیلیش لری بار لیکن لوگرده خوف سیزلیک کوچلری آز بولگنی اوچون، عصیانچی لیک فعالیت لر نینگ آلدینی آلیشی قیین راق بولگنینی ایتماقده.

"لوگر ولایتیده پولیس و اردو کوچلری انچه آز. مین ملی مدافعه وزیری و ایچکی ایشلر وزیری گه کوچلرنینگ کوپه یتیریشی نی ایتگن من. لیکن شونده قالگن. سیز فکر قیلینگ 60 مینگ یا 70 مینگ انسان یشه یاتگن بیر اولوسوالیککه، بیزنینگ 30 پولیسی میز بار بو یترلی ایمس."

نا تینچ ولایت لر محلی مقام لری، مذکور ولایت لریده خوف سیزلیک معما لری کوپه یگنی توغری سیده، خوف سیزلیک کوچلری آز بولگنی نی ادعا قیلسه لرده لیکن بیر قطار تحلیل چی لر ایسه، مذکور والی لر خوف سیزلیک کوچلری نینگ یخشی صورتده، اداره قیله آلمس لیک لری اوچون، ولایت لری نا تینچ لیک لری کینگه یشیگه سبب بولیشی نی ایته دیلر.

سیاسی تحلیل چی فضل احمد بورگیت نینگ معلوم قیلیشیچه، هرچند افغانستان دولتی ولایت لرنینگ امنیتی مسوولیت لرینی آلیشی اوچون سعی قیلماقده لیکن کورینشیچه، حتی بیر ولایت امنیتی نینگ تامین لش اوچون قادر ایمس

شو نینگ دیک مذکور تحلیل چیلرگه کوره، افغانستان حکومتی طالبان بیلن مذاکره قیلیش ریجه سی نینگ سرعت بیریشی بیلن، مذکور گروه، عصیانچی لیک فعالیت لری نی هم افغانستان بویلب کینگه یتیره دیلر.