بلخ ولایتیده عصیانچی لرگه قرشی حربی عملیات.

بلخ ولایتی نینگ چمتال تومینیده یوزبیرگن توقنه شولرده بیر سویدنلک عسکر یره له نیب عصیانچیلرگه هم تلفات یتکزیلگنی ایتلماقده بیراق، طالبان سوزچیسی اوچ چیت ایللیک عسکر هلاک بولگنینی ادعا قیلگن.

بلخ ولایتی نینگ خوفسیزلیک مسئوللریگه کوره، اوشبو ولایت نینگ چمتال تومنیده عصیانچی لر ملی اردو همده جاسوس لیک خادملریگه قرته اوق آتگن لر، نتیجه ده بیر پولیس عسکری تن جراحتی آلگن،

شمال بویلب 303 پامیر پولیس سوزچی سی لعل محمد احمدزی ایسه، هجومدن کیین عصیانچی لرگه قرته حربی عملیات یولگه قویلگنیدن خبر بیرماقده.

عملیات ایرته لب باشلنیب افغانستان وقتی بیلن ساعت بیرگه قدر دوام تارتگن عملیات جریانیده بیر عصیانچی وبیر پلیس خادمی تن جراحت آلیب وباشقه نیچه عصیانچی هم توتیلگن.

عینی دمده بلخ ولایتیده بولگن آیساف کوچلری بیر بیانات آرقلی عملیات جریانیده بیر سویدن لیک عسکر نینگ تن جراحتی آلیب تیک اوچر آرقلی مزارشریفده گی مارمل کمپی نینگ کسل خانه سیگه آلیب کیلینگنیدن خبربیرگن، شونینگ دیک آیساف کوچلری نینگ بیاناتیده اوشبو عملیات نتیجه سیده عصیانچیلرگه کتته زیان یتکزیلگنی اورغولنگن.

باشقه تماندن محلی رسمیلر یوزبیرگن توقنه شوده چیت ایللیک حربیلرنی حصصه قوشمه گنینی ایتگن.

منطقه اهالی سی ایسه، بوگون ایرتدن بیری اولر اوز اویلریدن چیقیشگه قادر ایمس لیک لریدن شکایتده ، عملیات باشلگندن بیری منطقه حربی لر تمایندن اورب آلینگنی ایتلماقده.

اوزینی مطبوعاتگه طالبان سوزچی سی دیب تانیشتره یاتگن ذبیح الله مجاهد، عملیات جریانیده اوچ چیت ایللیک حربی نینگ هلاک ایتگن لیک لرینی ادعاقیلگن. لیکن اوزلریگه ییتگن تلفات لر حقیده هیچ قندی مناسبت بیلدرمه گنلر.

محلی رسمی لرگه کوره بلخ ولایتی نینگ چمتال همده چهار بولک ولسواللیک لری اوشبو ولایت نینگ اینگ ناتینچ حدودلری جمله سیگه کیره دی، انه شو باعث اوشبو حدودلرگه آنده سانده عصیانچی لرنینگ فعالیت لریگه برهم بیریش اوچون حربی عملیات لر یولگه قویلیب کیلینماقده.