پارلمانده ینگی اتفاق شکل لنماقده

Image copyright AP

ایریم ملت وکیللری "اصلاح طلبان" ناملی ینگی بیر اتفاق نینگ تشکیل ایتلگنیدن خبربیرگن. ایتلشیچه یوزه چیققن جنجللرگه نقطه قویش اوچون بو اتفاق نینگ تشکیل ایتیلیشگه قرارآلینگن.

اتفاق اعضالریدن عبدالستار درزابی بی بی سی بیلن بولگن صحبتیده اولرنینگ اساسی مقصدی حکومت و معترض ملت وکیللری اره سیده هماهنگ لیک کیتریش بولگن.

اتفاق اعضالریگه کوره حاضرگه قره گنده پارلمان ده گروپلردن یتتی ته سی قوشیمچه ایریم ملت وکیللری اتفاق گه قوشیلگن.

اوشبو اتفاق رسما اعلان بولمه گن اما بیر یوز یللیک دن ارتیق ملت وکیللری اوشبو اتفاق اعضالیگیده کیرگنی ادعا قیلینه دی.بو ایککینچی کوچلی اتفاق دیر که قانون دن حمایت ایتیش اتی بیلن قوریلگن اتفاق دن کیین ایجاد ایتیله دی.

قانون دن حمایت ایتیش اتی بیلن قوریلگن اتفاق مخصوص محکمه قراریگه قرشی چیقیب اوشبو محکمه قرارینی غیر قانونی دیب اعلان قیلدی. ولسی جرگه نینگ سابق رییسی محمد یونس قانونی قوشیمچه ایریم کوچلی ملت وکیللری اوشبو اتفاق نینگ اعضاسی بولگن.

هرچند ینگی شکل لنگن اتفا اعضالری یوزه چیققن جنجللرنی حل قیلیش اوچون معترض ملت وکیللری و حکومت اره سیده مراثه چلیک قیلیش لرینی ایته دی. اما قانون دن حمایت ایتیش اتفاقی نینگ ایریم اعضالری " اصلاح طلبان" ناملی اتفاق نینگ حکومت حمایه سی بیلن شکل لنگنینی ادعا قیلگن.

ینگی اتفاق اعضالری بو کبی ادعا لرنی اساسی یوق لیگینی ایته دیلر.

التی آی دن بیری افغانستان حکومتی و نماینده لر اره سیده قرمه قرشی لیک پیدا بولیب، بو ایککی نهاد اره سیده کی همکارلیک لرگه جدی زیان یتکزگن.