پارلمان سیلاو لری نتیجه سیده اوزگرش

Image caption سیلاولر نتیجه سی اوزگردی

سیلاو لر مستقل کمیسیونی نینگ رسمی لری گه کوره، سیلاولر نتیجه سی حقیده گی تیگشرو ایشلری حالی آخریگه ایتمه گن لیکن سیلاولر نتیجه سیده اوزگریش کیلگننی انق لنگن. اولر موضوع حقیده تفصیلات بیریش دن باش تارتیب، سونگی معلومات کیله سی هفته ده اعلان بوله جگینی معلوم قیلگن لر.

کمیسیون سوزچی تابش فروغ گه کوره: "سیلاو لر نتیجه سی فقط جمهوری رئیس بوییرغی بیلن اوزگرتیریلگن."

همده جناب فروغ: "تیگشیرو ایشلری جریانیده مخصوص محکمه قراری سیلاو لر شکایتی صفتیده کوزگه توتیلگن" دیب ایتگن.

بوندن آلدن مخصوص محکمه 62 کیشی ملی کینگاش اعضالرینی قلاب لیککه عیب له ب، سیلاو لر کمسیونی دن اولر اورن لرینی المشتیریشینی طلب ایتگن ایدی.

عینی حالده، پارلمان ده گی قانون دن حمایت لوچی دیب ناملنگن گروه، جمهوری رئیس قراری قرشی سیده بیر هفته دن بیری نا راضی لیک بیلدیرماقده لر. اوشبو گروه، مستقل سیلاو لر کمیسیونی نینگ قراری نی نا قانونی دیب بهالیدی.

اوشبو گروه سوزچی اسد الله سعاداتی، سیلاو لر نتیجه سی قنده ی دیر سیاسی معامله اورنیگه اوزگرگن دیب بیله دی. جناب سعاداتی:" قانوننی ایاغ آستی قیلگن هر بیر منبع قرشی سیده توره میز" دیب ایتگن.

بوندن آلدن سیلاو لر مستقل کمیسیونی مذکور کمیسیون داخل هیج قنده ی قانونی منبع سیلاو لر نتیجه سیده اوزگریش کیلتیریش گه حقی یوق دیب ایتگن ایدی.

مذکور کمیسیون رسمی لریگه کوره، سیلاو لر مستقل کمیسیونی جمهوری ریئس لیک اداره سی تامانیدن پارلمان سیلاو لری حقیده گی معما نی حل ایتیشیگه تعین ایتیلگننی ایته دی لر.

سیلاو لر مستقل کمیسیونی جمهوری ریئس بویرغی اساسیگه بنا پارلمان سیلاو لری حقیده اوتگن هفته تیگشیرو ایشلرینی باشلت گن ایدی.