یوزبیرگن ناقرارلیک لر تلفاتی

Image copyright BBC World Service

هرات ولایتیده یوزبیرگن پارتلش ده ایککی ملی اردو ظابط هلاک بولیب 11 اردوعسکری یره لنگن.همده ننگرهار ولایتیده یوزبیرگن پارتلشده ملی امنیت خادملریدن بیری قربان بولگن.

ملی اردو ضابط لری نینگ نقلیه واسطه سی موترسایکل ده جایلشتریلگن اوزاق دن باشقرولوچی ماین بیلن نشانگه الینگنی باعث اوشبو حادثه یوزبیرگن.

حادثه هرات ولایتی نینگ پای مناره دیب اتلگن منطقه سیده یوزبیرگن. هرات ولایتی نینگ عمومی کسل خانه مسووللریدن محمد رفیق شیرزی حادثه ده ایککی ملی اردو ضابطی هلاحک 11 ملی اردو عسکری یره لنگنینی معلوم قیلگن. عینی حالده او، یره لنگن لردن پیشته سینی وضعیتی اغیر ایکنینی ایتگن.

محلی رسمیلر یوزبیرگن حادثه ده عادی اهالی گه هیچ قندی تلفات یتکزیلمه گنینی ایتگن.

حادثه مسوولیتینی طالبان اوز ضیمه سیگه آلیب یوزبیرگن پارتلش ده 12 عسکر هلاک و 13 عسکر یره لنگنینی ادعا قیلگن.

باشقه تماندن ننگرهار ولایتی نینگ مرکزی جلال آباد شهری یقنیده ملی امنیت اداره سی نینگ ملازملرینی نقلیه واسطه سی اوزاق دن باشقرلاوچی ماین بیلن نشانگه آلینگن.

ننگرهار ولایتی نینگ ولایت حاکمی سوزچیسی احمد ضیا عبدالزی اوشبو حادثه ده ملی امنیت خادملریدن بیری هلاک بولگنینی ایتیب همده التی کیشی یره لنگنینی تصدیق له گن.

شونینگ دیک کنر ولایتی نینگ اسعد اباد شهری نینگ شیگی منطقه سیده عصیانچیلر پلیس قرارگاه سیده هجوم قیلگن نتیجه ده اوچ پلیس هلاک و ینه تورت پلیس یره لنگن.

طالبان بو هجوم مسوولیتینی هم اوز بوینیگه الیب پلیس کوچلریگه آغیر تلفات یتکزیلگنینی ادعا قیلگن.

عینی دمده زابل ولایتی نینگ امنیه قوماندانلیگینی پیژند مدیری اوتگن اقشام ناانیق قوراللی لر تمایدن آتیب اولدریلگن.

شونینگ دیک غزنی ولایتیدن کیلگن خبرگه کوره کرولا تور موتر، اوشبو ولایت نینگ اسفندی دیب اتلگن منطقه سیده یول چیککه سیده اورنه تیلگن ماین بیلن توقنه شگن. رسمیلرگه کوره بو حادثه ده ایککی اهالی هلاک بولیب باشقه ایککی کیشی هم قتیغ یره لنگن.