مخابراتده ایشله تیله یاتگن آلتی ناقانون اسباب اسکونه قولگه کیرتیلدی

افغانستان مخابرات وزیرلیگی، پایتخت کابل و بغلان ولایتی ده قانون سیز شکلده فعالیت قیله یاتگن آلتی سیم بکس اسبابی نی ضبط قیلگنی دن خبر بیردی.

مخابرات وزیرلیگیگه کوره، مذکور ناقانون اسباب اسکونه لردن فایده لنه یاتگن لر پاکستان، ایران و افغانستان لیک ایککی گروه لر بولیب، فقط بغلان ده گی بیر پاکستان لیک و بیر افغان اوشله نیب آلینگن و کابلده گی ایرانلیک بیلن بیر افغان قاچیب کیتگن.

مخابرات وزیرلیگی نینگ مقام لری گه کوره، مخابرات توغری سیده ناقانون شلکده فعالیت قیله یاتگن مذکور تخنیکی اسباب اسکونه لر اوتگن اوچ ییل دن بیری یاشیرینچ شکلده ایرانلیک و پاکستان لیک ایککی گروه تمانیدن کابل و بغلان ولایت لریده ایشله تیلریکن لر.

مذکور تخنیکی دستگاه ده اون ایککی یوز سیم کارت ایشله تیلریکن.

مخابرات وزیرلیگی نینگ، مخابراتی خذمت لرینی منظم قیلوچی اداره سی نینگ باشلیغ لریدن انجنیر خیر محمد فیضی ، مذکور تخنیکی اسباب اوسکونه لر فعالیت قیلیشی دن ایککی هفته آلدین خبر دار بولیب خوف سیزلیک کوچلری یاردمی بیلن قولگه کیلتیرگن لرینی بیان ایتدی.

"مذکور تخنیکی اسباب اسکونه لردن، دولت خوفسیزلیگی نینگ تخریب قیلیشی همده، ملی منفعت لر قرشی سیده فایده لنشی ممکن. شو نینگ دیک، یوقاری و پس مرتبه لی دولت خادم لری نینگ سیس لری نی ایریم مقصد لر اوچون ثبت قیلیش لری هم ممکن. یعنی بو دستگاه لردن نه فقط مالی و اقتصادی مقصد لر بیلن بلکه سیاسی و خوف سیزلیک مقصد لر اوچون هم فایده لنگن. بو مسئله لر همه سی، تحقیق و تکشیریش دن کیین بیللی بوله دی."

فیضی جنابلری شونگه قوشیمچه قیلیب، بو ایککی ناقانون شکلده ایشله یاتگن گروه لر مذکور مخابراتی اسباب لر طریقی دن دولت نینگ مخابرات تولقین لریدن فایده لب، هر کون مینگلب دالر نی مخابراتی شرکت لرگه نقصان یتکزیش لرینی هم ایتدی.

مخابرات وزیرلیگی نینگ مذکور مقامی گه کوره، سونگی ینگی پیت لرده مخابراتی شرکت لرنینگ تخنیکی کیلیشیش لری و ایریم تخنیکی اسباب اسکونه لردن جمعی شکلده ایشله تیش لری، یاشیرینچ شکلده هرقنده ی اسباب اسکونه لرنینگ تانیب و موقعیتی نی ثابت قیلشیگه باعث بولگن.

افغانستان مخابرات وزیرلیگی نینگ معلوم قیلیشیچه اوتگن اوچ ییل جریانیده، نا قانون شکلده فعالیت قیله یاتگن 26 مخابراتی اسباب اسکونه قولگه کیرتیلگن. شو نینگ دیک مذکور فعالیت لرده عیب دار تانیلگن اون ایککی کیشی هم محکمه گه تارتیگن.

مخابرات وزیرلیگی تمانیدن بیش خصوصی مخابراتی شرکتده فعالیت جوازی بیریلگن. اوشبو شرکت لر تمانیدن مینگلب راجستر بولمه گن سیم کارت خلق گه ترقه تیلگنی باعث، طالبان گروهی، القاعده ترماغی و شولرگه اوخشه گن باشقه عصیانچی گروه لر هم مذکور سیم کارت لردن فایده لنه دیلر.