کرزی ایگیرمه انتحارچی نی آزاد ایتدی

افغانستان جمهور رییسی حامد کرزی، بالغ بولمه گن ایگیرمه انتحارچی نینگ آزاد ایتیلیش بویروغی نی بیرگن.

جمهور رییس کرزی اوشبو انتحارچی لربیلن جمهورلیک ریاستی سرایگه اوچره شیب هر قه یسی بیلن گپلشتدی.

کرزی جنابلری گه کوره، عصیانچی لر مذکور باله لردن یمان یولگه فایده لگن.

جمهور رییس کرزی بالغ بولمه گن بیر ایگیرمه کیشی لیک انتحارچیلر بیلن اوچره شیشی بیرینچی مرته صورت تاپگن.

اوشبو انتحارچیلر 8 یاشیدن تا 18 یاش گه چه بولیب کابل، غزنی، لوگر، کاپیسا، بلخ، قندهار و خوست ولایت لریدن دیر.

اوشبو انتحارچی لر نینگ بیرقسمی دینی مدرسه لرگه اوقوچی بولیب، طالبان گروهی تمانیدن عصیانچیلیک فعالیت لرده حصه آلیش لرینی معلوم قیلدی لر. شو نینگ دیک باشقه بیر قسمی ایسه عصیانچی لر اولر نینگ زور دن انتحارچی لیک واسکت کیدیریشینی ایتدیلر.

کرزی جنابلری ژورنالیست لرو کابینه سی نینگ نیچه اعضاسی حضوریده مذکور انتحارچی باله لر بیلن، صحبت لشیب، کیله سی بیر هفته گه قدر خوف سیزلیک ریاستی نینگ باشلیغیگه آزاد ایتیلیش بویروغی نی بیردی.

عین حالده کرزی جنابلری مذکور انتحارچی لرگه خارجی اولکه لرده درس اوقیش اوچون بورس لر مهیا بولیشی نی هم معلوم قیلدی.

جمهور رییس کرزی بالغ بولمه گن ایگیرمه کیشی لیک انتحارچی باله لرنینگ آزاد ایتیلیش بویروغی نی شونده ی بیرحالده بیرگن کیم، افغانستان خوف سیزلیک اداره سی نیچه کون مقدم عصیانچیلرجزا کوریش لری اوچون مخصوص بیر محکمه ایجاد ایتیلیش طلبی نی ایلگری سورگن ایدی.