اولوسی جرگه سیلاولر کمیسیونی نینگ سونگی قراری نی رد قیلدی

Image copyright .

افغانستان اولوسی جرگه سی، مستقل سیلاولر کمیسیونی نینگ سونگی قراری نی ناقانون و اعتبار سیز دیدی.

بوندن نیچه کون مقدم مستقل سیلاولر کمیسیونی نماینده لرقطاریدن توقیز کیشی چیقیشی نی معلوم قیلگن ایدی.

اولوسی جرگه اعضا لری نینگ بیر قسمی، مذکور معما حل بولیش اوچون ینگی بیر یول تاپیشنی ایتسه ده لیکن بیر قنچه سی ایسه، مستقل سیلاولر کمیسیونی نینگ سونگی قراری نی رد قیلیشده تاکید قیلدیلر.

شونده ی بیر حالده، اولوسی جرگه اعضالری، مستقل سیلاولر کمیسیونی نینگ سونگی قرارینی اکثریت آواز بیلن ناقانون و اعتبار سیزدیشتدیلر.

اولوسی جرگه نینگ ایککینچی اورین باسری احمد بهزاد ملت وکیل لرتمانیدن تصویب بولگن قرارنی بونده ی ایضاح له دی:

"افغانستان اولوسی جرگه سی، ایلگری ده گی موضعیگه تاکید قیلیب، سیلاولر شکایت لرینی تیکشیروچی کمیسیونی نینگ فیصله سینی نهایی بولگن دیب بیله دی. شو نینگ دیک هیچ بیر مرجع و نهاد، قوشیمچه مستقل سیلاولر کمیسیونی، مذکور فیصله ده اوزگریش کیلتیریش حقی گه ایگه ایمس. ینه بیر مرته اعلام قیله میز کیم، هرقنده ی نهاد و مقام قوشیمچه مستقل سیلاولر کمیسیونی تمانیدن، مجلس ایچیده هر قنده ی اوزگریش کیلتیریشنی قانون سیز لیک بیر اقدام بیله میز."

کورینیشیچه، افغانستان پارلمانی سیلاولری نهایی نتیجه سی توغری سیده چیقگن بحران حاضر گه قدر حل بولمه گن.

هرچند مذکور جنجل لردن قریب توقیز آی اوتماقده اما شونده ی بولسه هم حکومت، اولوسی جرگه و سیلاولر کمیسیونی مابینیده گی چیقگن قرمه قرشی لیک لر دوام تارتماقده.

افغانستان جمهور رییسی مذکور جنجل لرگه نقطه قوییش اوچون، پارلمان سیلاولری نینگ نهایی نتیجه سی توغری سیده مستقل سیلاولرکمیسیونی نی موظف قیلیب، شونینگ دیک مذکور کمیسیون، مخصوص محکمه قراری نی نظرگه توتمه ی 62 کیشی اورنیده، فقط توقیز ینگی کیشی اولوسی جرگه ده یول تاپیشی نی معلوم قیلدی. لیکن اوشبو مسئله توغری سیده نه فقط اولوسی جرگه اعضالری قرشی لیک بیلدیردیلر بلکه موفق بولمه گن نامزد وکیل لرنینگ اعتراض لرینی هم کینگه یتیردی.

معترض نامزدلر ویوزلب طرفدارلری مستقل سیلاولر کمیسیونی تمانیدن اعلان ایتیلگن پارلمان سیلاو نتیجه سیگه قرشی چیقیب کابلده کینگ ناراضلیک نمایش یولگه قویدیلر.

اوشبو اعتراض لرگه قرگنده، بیرلشگن ملت لر تشکیلاتی و اروپا بیرلشمه سی مستقل سیلاولر کمیسیونی نینگ سونگی قراری دن حمایت بیلدیریب، مذکور تصمیم افغانستانده چیقگن بحران نینگ حل قیلیشی اوچون یگانه حل یولی دیب معلوم قیلگن.