حکومت:مرکزی ولایت لر یول لری توزلماقده

عامه منفعت لر وزیرلیگی، 40 کیلو مترلیک سرک نینگ توزه تیش مقصدیده، افغان کوریا ناملی خصوصی بیرشرکت بیلن قرارداد امضالگن.

اوشبو وزیرلیک مقاملریگه کوره، مذکور 40 کیلو مترلیک سرک نینگ ایشی بیر آی گه چه باشلنه دی.

مذکور سرک هزینه سی اوتیز بیش ملیون دالر بولیب، افغانستان دولتی ترقیات بودجه سی تمانیدن تأمین بوله دی.

عامه منفعت لر وزیرلگیگه کوره، اوشبو 40 کیلو متر سرک مذکور وزیرلیک نظارتی آستیده بولیب، خلق ارا معیار لر بیلن بیر ییل گه قدر توزله دی.

مذکور سرک، میدان وردک ولایتی بهسود تومنی نینگ بیرینچی حصه سیدن باشلنیب، بامیان ولایتیده دوام تارته دی.

عامه منفعت لر وزیرلیگی نینگ اورین باسری داکتر احمد شاه وحید گه کوره، عموماً آلگنده مذکور پروژه 340 کیلو متر بولیب، میدان شهرنینگ گردندیوال منطقه سی دن باشلنیب، بامیان طریقی دن تا غور و هرات گه چه وصل بوله دی.

وحید جنابلری نینگ معلوم قیلیشیچه، مذکور بویوک یول پروژه سی توگه یشی بیلن، کابل هرات فاصله سی کوزگه کورینرلی درجه ده یقین بوله دی.

"اوشبو پروژه هرات دن باشله نیب، غور ولایتیده کیلیب اوندن کیین دایکندی ولایتیده وصل بوله دی. شو نینگ دیک، افغانستان مرکزی ولایت لری نی بامیان بیلن وصل قیله دی. بامیان ولایتی نینگ کابل بیلن باغلنوچی نیچه یولی بار. همده کیله جکده بامیان ولایتی نیچه جهتدن مواصلاتی یولی آچیلیب، مملکت اقتصادی رواج لنیشی اوچون کته اوریننی اوزیگه ایگله آله دی."

اوشبو سرک نینگ توزه تیش قرار دادی، میدان وردگ، بامیان و دایکندی ولایت لری نینگ بیرنیچه ملت وکیل لری حضوری بیلن امضا بولدی. بامیان ملت وکیل لریدن محمد اکبری، مذکور پروژه توگه یشی بیلن مملکت اقتصادی نینگ رواج لنیشیگه کتته تاثیر قوییشی ممکن لیگینی معلوم قیلدی.

اکبری جنابلری بامیان ولایتیده توزه تیلگن سرک لر کیفیتی یوقاری بولمه گنی دن تنقید قیلیب مذکور ینگی پروژه عامه منفعت لر وزیرلیگی تمانیدن جدی نظارت بولیشی نی طلب قیلدی.

شو نینگ دیک اکبری جنابلری، میدان وردگ دن باشله نیب هرات ولایتیده وصل بوله یاتگن مذکور بویوک پروژه کیسیلمه ی دوام تارتیشی نی هم افغانستان حکومتی دن طلب قیلدی.

اوتگن نیچه ییل جریانیده مملکت نینگ ایریم حدود لریده یوزلب کیلومتر سرک توزه تیلگن لیکن کورینیشیچه، اوشبو سرک لرنینگ بیر قنچه سی یخشی کیفیت بیلن توزه لمه گن. هرچند عامه منفعت لر وزیرلیگی مذکور سرک لر توزه لیشی خلق ارا معیار لر اساسیده بولگنینی ایتسه ده لیکن بویوک موتر لر استندرد شکل دن آرتیق مال آرتیش لری بیلن قوشیمچه تینچ سیز لیک لر نینگ دوام تارتیشی مذکور سرک لر نینگ بوزیلیشی گه سبب بولیب حاضر گه قدر حل بولمه ی قالگنی معلوم بولگن.